वैद्यकीय क्षेत्रात पदवीधरांसाठी शिक्षणाच्या क्षेत्रात करिअर करण्याची सुवर्णसंधी! ओडिशा लोकसेवा आयोगाने (OPSC) आरोग्य व कुटुंब कल्याण विभागांतर्गत सहाय्यक प्राध्यापक पदांसाठी नवीन भरती जाहीर केली आहे. या भरतीद्वारे एकूण ३१४ पदे भरली जातील, ज्यामध्ये ७४ पदे महिलांसाठी राखीव ठेवण्यात आली आहेत. ही भरती ओडिशा राज्यातील विविध वैद्यकीय महाविद्यालयांमध्ये विविध शाखांमध्ये केली जाणार आहे.
या भरतीत विविध वैद्यकीय विषयांमध्ये २४ वेगवेगळ्या ‘ब्रॉड स्पेशालिटी’ विषयांसाठी सहाय्यक प्राध्यापक नियुक्त केले जातील. हे पदे आरोग्य आणि कुटुंब कल्याण विभागाच्या अंतर्गत असून, राज्यातील वैद्यकीय शिक्षणाला चालना देण्यासाठी आणि गुणवत्तापूर्ण शिक्षण सुनिश्चित करण्यासाठी या पदांची निवड होणार आहे. महिला उमेदवारांसाठी राखीव जागा असल्यामुळे, महिला शिक्षणतज्ज्ञांना अधिक संधी मिळेल.
अर्जदारांनी १ जानेवारी २०२५ रोजी आप वय २१ ते ४५ वर्षे दरम्यान असणे आवश्यक आहे. याशिवाय, अर्जासाठी शैक्षणिक पात्रता म्हणून संबंधित वैद्यकीय विषयातील पदव्युत्तर पदवी (Postgraduate Degree) किंवा MCI/NMC मान्यताप्राप्त समकक्ष पदवी असणे अनिवार्य आहे. या पदांसाठी वैद्यकीय शिक्षण आणि अनुभव असलेले उमेदवारच पात्र ठरतील.
इच्छुक उमेदवार २६ मे २०२५ पासून ऑनलाइन अर्ज प्रक्रिया सुरू होईल आणि ही प्रक्रिया २६ जून २०२५ रोजी समाप्त होईल. अर्ज करण्यासाठी उमेदवारांनी OPSC च्या अधिकृत संकेतस्थळावर (opsc.gov.in) भेट द्यावी. वेबसाइटवर ‘Assistant Professor Recruitment 2025’ या लिंकवर क्लिक करून नवीन नोंदणी करावी किंवा आधी नोंदणीकृत असाल तर लॉगिन करावा.
अर्ज करताना उमेदवारांनी आपले शैक्षणिक व वैयक्तिक तपशील काळजीपूर्वक भरावा आणि आवश्यक कागदपत्रे स्कॅन करून अपलोड करावीत. अर्ज पूर्ण झाल्यावर त्याची एक प्रत आपल्या कडे जतन करून ठेवणे गरजेचे आहे. खास म्हणजे, या भरतीसाठी कोणतेही अर्ज शुल्क लागणार नाही, त्यामुळे प्रत्येक पात्र उमेदवाराला अर्ज करण्याची संपूर्ण मुभा आहे.
या भरतीसाठी उमेदवारांची निवड लेखी परीक्षा या स्वरूपात होईल. लेखी परीक्षेत उत्तीर्ण झालेल्या उमेदवारांची पुढील टप्प्यात मुलाखत किंवा इतर मूल्यांकन होऊ शकते, परंतु प्राथमिक निवड लेखी परीक्षेवर आधारित असेल. उमेदवारांनी आपल्या अभ्यासात मन लागवून तयारी करणे आवश्यक आहे, कारण या स्पर्धात्मक परीक्षेत उत्तीर्ण होणे महत्त्वाचे आहे.
वैद्यकीय शिक्षण पूर्ण करून, जर तुम्हाला शिक्षण क्षेत्रात सहाय्यक प्राध्यापक म्हणून करिअर करायचं असेल, तर ही भरती तुमच्यासाठी एक सुवर्णसंधी आहे. सरकारी नोकरी असल्यामुळे यामध्ये नोकरीची सुरक्षितता, वेतनमान, तसेच सामाजिक सन्मान यांचा समावेश आहे. याशिवाय, वैद्यकीय शिक्षण क्षेत्रात प्राध्यापक म्हणून काम करताना तुम्हाला तज्ञतेची संधी आणि पुढील शैक्षणिक विकासासाठी देखील मार्गदर्शन मिळेल.
