किआ मोटर्सच्या विक्रीत मे महिन्यात 14.43 टक्क्यांनी वाढ झाली आहे. किआ केरेन्स क्लेव्हिसची ही इलेक्ट्रिक एडिशन असेल, जी कियाने भारतात बनवलेली पहिली इलेक्ट्रिक कार असेल. कंपनीने सांगितले की, आगामी कारचे डिझाइनदेखील खूप आकर्षक असेल
किआ इंडियाची नुकतीच लाँच झालेली प्रीमियम 7 सीटर कार कॅरेन्स क्लॅव्हिस कियासाठी गेम चेंजर ठरत आहे. कारण किआ मोटर्सच्या विक्रीत मे महिन्यात 14.43 टक्क्यांनी वाढ झाली आहे. मे 2025 मध्ये कंपनीने 22,315 वाहनांची विक्री केली आहे, जी मे 2024 पेक्षा चांगली आहे. नुकत्याच लाँच झालेल्या किआ कॅरेन्स क्लॅव्हिसला उत्स्फूर्त प्रतिसाद मिळाल्याचे कंपनीने म्हटले आहे. एमपीव्ही ची एक्स शोरूम किंमत 11.49 लाख रुपये आहे.
विशेष म्हणजे कियाचे पुढचे प्रॉडक्ट जुलैमध्ये लाँच होणार असल्याचे कंपनीने जाहीर केले आहे. किआ केरेन्स क्लेव्हिसची ही इलेक्ट्रिक एडिशन असेल, जी कियाने भारतात बनवलेली पहिली इलेक्ट्रिक कार असेल. कंपनीने सांगितले की, आगामी कारचे डिझाइनदेखील खूप आकर्षक असेल, यात कियाचे डिझाइन आणि अ‍ॅडव्हान्स टेक्नॉलॉजी मिसळली जाईल. भारतीय ग्राहकांच्या आकांक्षा पूर्ण करण्यासाठी विचारपूर्वक याची रचना करण्यात आली आहे.
आगामी किआ केरेन्स क्लॅव्हिस इलेक्ट्रिकचे डिझाइन पेट्रोल-डिझेल मॉडेलसारखेच असेल. मात्र, इलेक्ट्रिक कारनुसार काही बदल करण्यात येणार आहेत. इलेक्ट्रिक कार असल्याने यात किआ ईव्ही 9 सारखी क्लोज्ड ग्रिल असणार आहे. तसेच, नवीन डिझाइन फ्रंट आणि रियर बंपर असतील, तर अलॉय व्हील्स देखील नवीन डिझाइनचे असतील. स्पायशॉटमध्ये असे दिसून आले आहे की यात अधिक ग्राउंड क्लिअरन्स असेल आणि नवीन सस्पेंशन सेटअप देखील असेल.
किआ केरेन्स ईव्हीमध्ये अनेक फीचर्स असतील. यात पूर्णपणे डिजिटल इंस्ट्रूमेंट क्लस्टर असणे अपेक्षित आहे जे मोठ्या टचस्क्रीन इन्फोटेनमेंट सिस्टमशी जोडले जाईल. एअर प्युरिफायर, 360 डिग्री सराउंड व्ह्यू कॅमेरा, वायरलेस फोन चार्जर हे इतर फीचर्स असतील. आगामी किआ केरेन्स ईव्हीमध्ये ह्युंदाई क्रेटा ईव्हीसारखीच रेंज पॉवर असण्याची शक्यता आहे. यात 45 किलोवॅटची बॅटरी असण्याची शक्यता आहे. केरेन्स ईव्हीमध्ये फ्रंट एक्सल-माउंटेड इलेक्ट्रिक मोटर मिळण्याची शक्यता आहे. कियाने अद्याप ईव्हीबद्दल कोणतेही स्पेसिफिकेशन डिटेल्स उघड केलेले नाहीत. मात्र, केरेन्स ईव्ही सिंगल चार्जवर चांगली रेंज देईल अशी अपेक्षा आहे.
