रॉयल चॅलेंजर्स बंगळुरूने १८ वर्षांच्या प्रतिक्षेनंतर अखेर आयपीएल ट्रॉफीवर नाव कोरले आहे. अखेरच्या षटकात पंजाबला २९ धावांची गरज होती. पण पंजाबला २० षटकात ७ बाद १८४ धावाच करता आल्या. त्यामुळे बंगळुरूने ६ धावांनी विजेतेपद जिंकले. रजत पाटिदार बंगळुरूचा पहिला कर्णधार ठरला ज्याने आयपीएल ट्रॉफी जिंकली.

१८ व्या षटकात यश दयालने अझमतुल्ला उमरझाई यालाही बाद १ धावेवर बाद करत पंजाबला ७ वा धक्का दिला.

पंजाब किंग्सच्या समोरील अडचणी वाढताना दिसत आहेत. रजत पाटिदारने आपल्या गोलंदाजांना आत्तापर्यंत चांगला उपयोग करून घेतला आहे. त्याने भुवनेश्वर कुमराला १७ व्या षटकात गोलंदाजीला आणले. या षटकात दुसऱ्याच चेंडूवर नेहल वढेराला १५ धावांवर भुवनेश्वरने बाद करत पंजाबला ५ वा धक्का दिला. याच षटकात धोकादायक मार्कस स्टॉयनिसलाही चौथ्या चेंडूवर भुवनेश्वर कुमारने माघारी धाडले.

चांगली सुरुवात करणाऱ्या पंजाबला मधल्या षटकांमध्ये मोठे धक्के बसले. कृणाल पांड्याने आपला अनुभव वापरून शानदार गोलंदाजी केली. त्याने १३ व्या षटकात धोकादायक जॉश इंग्लिसलाही बाद केले. इंग्लिसने २३ चेंडूत ३९ धावा केल्या. या षटकानंतर कृणालचे ४ षटकेही संपली. त्याने ४ षटकात १७ धावा खर्च करत २ विकेट्स घेतल्या

प्रियांश आर्य बाद झाल्यानंतर प्रभसिमरन सिंगला जोश इंग्लिस साथ देत होता. पण प्रभसिमरनला ९ व्या षटकात कृणाल पांड्याने २६ धावांवर बाद केले. तर फॉर्ममध्ये असलेला श्रेयस अय्यर अंतिम सामन्यात काही खास करू शकला नाही. श्रेयसला १ धावेवर रोमारियो शेफर्डने जितेश शर्माच्या हातून १० व्या षटकात झेलबाद केले. त्यामुळे १० षटकात पंजाबच्या ३ बाद ८१ धावा केल्या.

आक्रमक खेळणाऱ्या प्रियांश आर्यचा अडथळा ५ व्या षटकात जॉस हेडलवूडने दूर केला. बाऊंड्री लाईनवर त्याचा अफलातून झेल फिल सॉल्टने घेतला. प्रियांशने १९ चेंडूत २४ धावा केल्या.

पंजाबकडून प्रभसिमरन सिंग आणि प्रियांश आर्य यांनी आक्रमक सुरुवात केली. त्यांनी पहिल्या ३ षटकात जवळपास १० ची धावगती ठेवली होती. यातच तिसऱ्या षटकात दुसऱ्या चेंडूवर रोमारियो शेफर्डकडून प्रभसिमरनचा ९ धावांवर असताना झेल सुटला. ३ षटकात पंजाबने २८ धाला केल्या

पंजाबकडून शेवटचे षटक अर्शदीप सिंगने टाकले. त्याने दुसऱ्याच चेंडूवर शेफर्डला १७ धावांवर बाद केले. त्यानंतर चौथ्या चेंडूवर कृणाल पांड्याला ४ धावांवर त्याने बाद केले. शेवटच्या चेंडूवर भुवनेश्वर कुमार १ धावेवर बाद झाला. त्यामुळे बंगळुरूला २० षटकात ९ बाद १९० धावा करता आल्या. यामुळे आता पंजाबसमोर १९१ धावांचे लक्ष्य असणार आहे.

आक्रमक खेळणाऱ्या जितेश शर्माचा अडथळा विजयकुमार वैशाखने दूर केला. त्याने त्याला १८ व्या षटकाच्या चौथ्या चेंडूवर त्रिफळाचीत केले. जितेशने १० चेंडूत २४ धावा केल्या.

विराटच्या विकेटनंतर जितेश शर्माने फलंदाजीला येत आक्रमक खेळ केला, त्याला लिव्हिंगस्टोनचीही साथ मिळाली. जेमिसनच्या विरुद्ध या दोघांनी १७ व्या षटकात २३ धावा चोपल्या. पण अखेर पाचव्या षटकात लिव्हिंगस्टोन फुलटॉस खेळण्यात चुकला. त्याला जेमिसनने पायचीत केले. या षटकात ६, वाईड,६,१,वाईड,६, वाईड, विकेट, १ अशा मिळून २३ धावा निघाल्या.

बंगळुरूचा डाव एका बाजूने सलामीला खेळायला आलेल्या विराटने सांभाळला होता. त्याने संयमी खेळताना धावफलक हलता राहिल याची काळजी घेतली होती. पण १४ व्या षटकात त्याने आक्रमक पवित्रा घेतला. परंतु, १५ व्या षटकात अझमत उमरझाई गोलंदाजीसाठी आला. त्याच्या पाचव्या चेंडूवर विराट कोहलीने पुलशॉट खेळण्याचा प्रयत्न केला. पण चेंडू बॅटच्या वरच्या भागाला लागला आणि उंच उडाला. उमरझाईने चपळाईने पुढे जात विराटचा अफलातून झेल घेतला. त्यामुळे विराटला ३५ चेंडूत ३ चौकारांसह ४३ धावांवर माघारी परतावे लागले. १५ षटकात बंगळुरूने ४ बाद १३४ धावा केल्या आहेत.

युनायटेड किंगडमचे माजी पंतप्रधान ऋषी सुनक त्यांच्या पत्नीसह नरेंद्र मोदी स्टेडियममध्ये दाखल झाले आहेत.