Divya Dutta: बॉलिवूड सुपरस्टार सलमान खान आणि सुष्मिता सेन सारखे अनेक स्टार्स आहेत ज्यांनी लग्न न करण्याचा निर्णय घेतला. असेच एक नाव म्हणजे प्रसिद्ध अभिनेत्री दिव्या दत्ता, जिने मनोरंजन विश्वात उत्तम काम केल आहेत. दिव्या दत्ता ४७ वर्षांची आहे आणि अजूनही अविवाहित आहे. अभिनेत्रीने अद्याप लग्न का केले नाही आणि त्याबद्दल तिचे काय मत आहे हे तिने एका मुलाखतीत स्पष्ट केल आहे.

"पुरुष माझ्याकडे आकर्षित होतात"

लग्नाच्या प्रश्नावर दिव्या दत्ता म्हणाली, "जर तुम्हाला चांगला जोडीदार सापडला तर लग्न करणे ही खूप चांगली कल्पना आहे. पण जर तुम्हाला तो मिळाला नाही तर आयुष्य सुंदरपणे पुढे जाते. पण बॅलेन्स नसलेल्या विवाहात अडकू नये. चुकीच्या रिलेशनशिपमध्ये राहून तुमची व्हॅल्यू कमी करण्याऐवजी स्वतःवर प्रेम करणे चांगले. बरेच पुरुष माझ्याकडे आकर्षित होतात आणि मला ते आवडते. पण जेव्हा तुम्हाला खरोखर एकमेकांविषयी काही तरी जाणवते तेव्हाच नाते टिकले पाहिजे."

दिव्या दत्ता म्हणाली की तिला लग्न करायचे नाही पण...

दिव्या दत्ता म्हणाली की, तुम्हाला असे वाटले पाहिजे की समोरची व्यक्ती तुमचा हात धरू शकते. जर तसे नसेल, तर काही हरकत नाही. 'छावा', 'मंटो' आणि 'उमराव जान' सारख्या चित्रपटांचा भाग राहिलेली दिव्या दत्ता म्हणाली की तिला लग्न करायचे नाही. ती म्हणाली, "मला लग्न करायचे नाही, पण मला असा जोडीदार नक्कीच हवा आहे ज्याच्यासोबत मी प्रवास करू शकेन. जर मला तो भेटला नाही तरी मी स्वतः आनंदी राहीन.

दिव्या दत्ता पुढे म्हणाली, "मला कोणीतरी विचारले की तू अविवाहित का आहेस? तू सुंदर, आकर्षक, काळजी घेणारी आहेस. दिव्या दत्ता म्हणाली, कधीकधी असे घडते की तुम्ही तुमची गरज बाहेर शोधता. ज्याची गरज नसते. तुमच्या आयुष्यात जोडीदार आल्यावरच तुम्ही पूर्ण व्हाल असे आवश्यक नाही. माझाही हा गैरसमज होता. मी माझे हृदय हातात घेऊन फिरायचे, पण आता नाही.