रक्तदान करण्यास प्रेरणा देण्यासाठी आणि नियमित रक्तदात्यांचे आभार मानण्यासाठी जागतिक रक्तदाता दिन (World Blood Donor Day) साजरा केला जातो. A,B,O या रक्तगटांचा शोध लावणारे नोबेल पारितोषिक विजेते कार्ल लँडस्टीनर यांच्या वाढदिवसाचे औचित्य साधत 2004 पासून जागतिक आरोग्य संघटनेकडून दरवर्षी 14 जूनला हा दिवस जगभरात जागतिक रक्तदाता दिन म्हणून साजरा करण्यात येतो. रक्तदान करणे हे एक महान कार्य आहे. रक्तदानाला सर्वात श्रेष्ठ दान म्हटले जाते. रक्तदान केल्याने एखाद्या व्यक्तीचा जीव तर वाचतोच शिवाय रक्तदात्याच्या आरोग्याला विविध फायदे होतात. आज आपण जागतिक रक्तदाता दिनानिमित्त जाणून घेऊयात रक्तदान का करावे, त्याचे फायदे काय आहेत. ( Benefits Of Blood Donation)
रक्तदानाचे फायदे –
जीवनदान मिळते –
रक्तदान केल्याने अपघात, शस्त्रक्रिया आणि इतर गंभीर आजार असणाऱ्या रुग्णांना जीवनदान मिळते.
हृदयविकाराचा धोका कमी होतो –
नियमितपणे रक्तदान केल्याने हृदयविकाराचा धोका कमी होतो. कारण जेव्हा तुम्ही रक्तदान करता तेव्हा शरीरातील लोहाचे प्रमाण नियंत्रित राहण्यास मदत होते.
आरोग्य तपासणी –
रक्तदान करण्यापूर्वी आरोग्य तपासणी केली जाते. या तपासणीमुळे तुम्हाला तुमच्या शरीराविषयी पूर्ण माहिती कळते.
नवीन पेशींची निर्मिती होते –
रक्तदान केल्यानंतर शरीर रक्ताची कमतरता भरून काढण्याचे काम करते. यामुळे नवीन रक्तपेशी तयार होण्यास मदत होते.
रोगप्रतिकारक शक्ती वाढते –
काही संशोधनानुसार, नियमित रक्तदान केल्याने रोगप्रतिकारक शक्ती सुधारते, असे निष्पन्न झाले आहे. त्यामुळे रोगप्रतिकारक शक्ती वाढवायची असल्यास तज्ज्ञांचा सल्ला घेऊन रक्तदान करा.
वजन नियंत्रणात राहते –
लठ्ठपणा हे सर्व रोगांचे कारण आहे. त्यामुळे वेळोवेळी रक्तदान केल्यास, व्यायामासोबत सकस आहार घेतल्यास तुमच्या कॅलरीज लवकर बर्न होतात आणि वजन नियंत्रणात राहते.
मानसिक समाधान –
रक्तदान केल्याने एक विलक्षण अनुभव तुम्हाला येते. एखाद्या व्यक्तीला जीवनदान देण्याचे मानसिक समाधान तुम्हाला मिळते.
रक्तदान करताना काय काळजी घ्यावी?
वय आणि वजन –
18 वर्षापेक्षा जास्त आणि 65 वर्षापेक्षा कमी वय असलेले आणि पुरेसे वजन असलेली व्यक्ती रक्तदान करू शकते.
आरोग्याची तपासणी –
रक्तदान करण्यापूर्वी आरोग्य तपासणी करणे आवश्यक आहे. कोणताही संसर्ग किंवा आजार निदान झाल्यास रक्तदान करणे टाळावे.
दोन रक्तदानांमध्ये अंतर –
दोन रक्तदानांमध्ये किमान 3 महिन्यांचे अंतर ठेवावे, जेणेकरून शरीराला आराम मिळेल.
रक्तदान केल्यानंतर –
रक्तदान केल्यानंतर भरपूर पाणी प्यावे, हलका आहार घ्यावा.
हेही पाहा –
