मुंबई : एनटीपीसी लिमिटेडसाठी एक आनंदाची बातमी आहे. राजस्थानमध्ये कंपनीने सौर ऊर्जा प्रकल्प सुरू केला आहे. या बातमीमुळे आज कंपनीच्या शेअरमध्ये वाढ होण्याची शक्यता आहे. कंपनीने सांगितले की, नोख सौर प्रकल्पातील ५२ मेगावॉटचा दुसरा टप्पा सुरू झाला असून यासोबतच प्रकल्पाचा प्लॉट-३ आता पूर्ण क्षमतेने म्हणजेच २४५ मेगावॉट क्षमतेने सुरू झाला आहे.



NTPCने शेअर बाजाराला माहिती दिली आहे. त्यानुसार, १९३ मेगावॉटचा पहिला टप्पा ९ जून २०२५ रोजी सुरू झाला होता. आता ही सकारात्मक बातमी आल्यामुळे सोमवारी कंपनीच्या शेअर्सवर गुंतवणूकदारांचे लक्ष असेल. मागील शुक्रवारी कंपनीचे शेअर १.७० टक्क्यांनी वाढून ३३५.३५ रुपयांवर बंद झाले होते.

NTPCची एकूण क्षमता किती आहे?NTPCच्या माहितीनुसार, राजस्थानमधील नोख सोलर पीव्ही प्रोजेक्टच्या प्लॉट-3 मधील २४५ मेगावॉटची क्षमता आता पूर्णपणे सुरू झाली आहे. त्यामुळे, NTPCची एकूण व्यावसायिक वीज उत्पादन क्षमता ६०,३१८ मेगावॉट झाली आहे. तर, समूहाच्या आधारावर ही क्षमता ८१,४२० मेगावॉट झाली आहे.

शेअर्सची बाजारातील कामगिरीगेले वर्ष NTPCच्या शेअरधारकांसाठी चढ-उतारांचे राहिले. एका महिन्यात हा शेअर २ टक्क्यांनी खाली आला. तसेच, ३ महिन्यांत कंपनीच्या शेअर्सची किंमत १.८४ टक्क्यांनी घटली. ज्या गुंतवणूकदारांनी एक वर्षापासून कंपनीचे शेअर घेतले आहेत, त्यांना ६.३० टक्के नकारात्मक परतावा मिळाला आहे. याच काळात सेन्सेक्स इंडेक्समध्ये ६.३६ टक्क्यांची वाढ झाली आहे.

कंपनीचा ५२ आठवड्यांचा उच्चांक ४४८.३० रुपये तर, ५२ आठवड्यांचा नीचांक २९२.७० रुपये होता. कंपनीचे बाजार भांडवल ३.२५ लाख कोटी रुपये आहे. विशेष म्हणजे, गेल्या ५ वर्षांत NTPC लिमिटेडच्या शेअर्सच्या किमतींमध्ये २६० टक्क्यांची वाढ झाली आहे.



कंपनीने काय काम करते? NTPC Ltd. ही भारतातील सर्वात मोठी एकात्मिक ऊर्जा कंपनी आहे. तिचं मुख्य काम वीज निर्मिती करणे हे आहे.