मुंबई : आजकाल शहरांमध्ये लोकांना 10 मिनिटांत घरी सामान मिळू शकतो. स्विगी इन्स्टामार्ट, ब्लिंकिट आणि जेप्टोसारखे ॲप्स यासाठी बाजारात कार्यरत आहे. ऑनलाईन खरेदी सध्या लोकांची सवय बनत चालली आहे. परंतु काही लोकांना आता क्विक डिलिव्हरी सेवा महाग पडत असल्याचा लक्षात येत आहे. 'टाइम्स ऑफ इंडिया'च्या वृत्तानुसार, हे प्लॅटफॉर्म बिलामध्ये अनेक प्रकारचे शुल्क जोडत आहेत. यामुळे ग्राहकांना प्रत्येक ऑर्डरवर 50 रुपयांपर्यंत जास्त पैसे द्यावे लागत आहेत.



यापूर्वी, ग्राहकांना हँडलिंग शुल्क द्यावे लागत असे. हे प्रत्येक ऑर्डरसाठी निश्चित असते आणि 10 ते 21 रुपयांपर्यंत असते. त्यानंतर जीएसटी, डिलिव्हरी शुल्क, लहान कार्ट शुल्क, पाऊस शुल्क आणि सर्ज शुल्क (जेव्हा लागू असेल) देखील लागतात. यामुळे बिल वाढते. परंतु आता अनेक ग्राहक त्यांच्या खरेदीसाठी पडताळणी करीत आहेत. म्हणजेच ते आता ऑफलाइन किमती आणि वेगवेगळ्या ई-कॉमर्स प्लॅटफॉर्मवरील किमतींची तुलना करूनच सामान खरेदी करतात.

फायदा कमी झालायापूर्वी या प्लॅटफॉर्मवर किराणा दुकाने आणि स्थानिक विक्रेत्यांपेक्षा कमी किमतीत सामान मिळत असे. परंतु आता शुल्क लागल्यामुळे हा फायदा कमी झाला आहे. मुंबईची रहिवासी शोभा वर्तक यांनी सांगितले, 'मी आता स्थानिक विक्रेत्यांकडून फळे आणि भाज्या खरेदी करते. फळे 30 ते 40 रुपयांपर्यंत स्वस्त मिळतात. टोमॅटो आणि वाटाणा ऑनलाइन स्वस्त असतात, परंतु हँडलिंग आणि डिलिव्हरी शुल्क जोडल्यास ते तेवढेच महाग होतात.'

लोकांचे वर्तन पुन्हा बदलतंय का?'यापूर्वी ग्राहक क्विक कॉमर्स प्लॅटफॉर्मवरून किती वेळा ऑर्डर करत आहेत याकडे गांभिर्याने पाहत नव्हते. परंतु आता ते अशी खरेदी पुढे ढकलत असल्याचं दिसत आहे किंवा काही ऑर्डर एकत्र करून खरेदी करत आहेत, जेणेकरून त्यांना वारंवार अतिरिक्त शुल्क द्यावे लागू नये.' असे मार्केट रिसर्च फर्म डेटम इंटेलिजन्सचे सल्लागार सतीश मीना यांनी सांगितले. ते म्हणाले की, ऑर्डर कमी झाल्याने कंपन्यांच्या जीओव्ही (ग्रॉस ऑर्डर व्हॅल्यू) वर परिणाम होऊ शकतो आणि सामान देखील हळूहळू विकले जाईल. यामुळे डार्क स्टोअर्सचा खर्च वाढेल.







मीना म्हणाले की, ग्राहकांना क्विक कॉमर्स थोडे महाग वाटत आहे, परंतु सुविधा अजूनही सर्वात मोठी गोष्ट आहे. प्लॅटफॉर्म सुपर सेव्हर आणि मॅक्ससेव्हर सारख्या योजनांद्वारे ग्राहकांना योजनाबद्ध खरेदी करण्यास सांगत आहेत. परंतु यामध्ये अजून खूप वेळ लागेल.

शुल्क ट्रॅक करणे कठीण स्विगी आणि जेप्टोवर जर तुम्ही 200 रुपये किंवा त्याहून अधिक खरेदी करत असाल तर तुम्हाला डिलिव्हरी शुल्क द्यावे लागत नाही. परंतु ब्लिंकिटवर तुम्हाला मोफत डिलिव्हरीसाठी किमान 500 रुपये खर्च करावे लागतील. शुल्क देखील वेगवेगळे असू शकतात. उदाहरणार्थ, स्विगीवर हँडलिंग शुल्क ऑर्डर मूल्याच्या आधारावर 10-15 रुपयांपर्यंत असू शकते. जेप्टोवर मोठ्या ऑर्डरसाठी ते सुमारे 21 रुपये आणि लहान ऑर्डरसाठी 13 रुपये असते. ब्लिंकिटवर हँडलिंग शुल्क सामान्यतः 11 रुपये निश्चित असते. पाऊस आणि सर्ज शुल्क सामान्यतः 15 रुपये आणि 30 रुपये असते.