मुंबई : बँकेत नोकरी करण्याचे स्वप्न पाहणाऱ्या उमेदवारांसाठी एक आनंदाची बातमी आहे. बँक ऑफ बडोदाने बँकिंग अधिकारी पदांसाठी भरती जाहीर केली आहे. या भरतीद्वारे एकूण २५०० पदे भरली जातील. या फॉर्मसाठी अर्ज सुरू झाले आहेत. या पदासाठी इच्छुक उमेदवार bankofbaroda.in च्या अधिकृत वेबसाइटला भेट देऊन त्यांचा अर्ज भरू शकतात. अर्ज भरण्याची शेवटची तारीख २४ जुलै २०२५ आहे.



पात्रता काय ?

बँक ऑफ बडोदा पदासाठी अर्ज करणाऱ्या उमेदवारांकडे मान्यताप्राप्त विद्यापीठातून कोणत्याही शाखेतील पदवी असणे आवश्यक आहे. सीए, अभियांत्रिकी किंवा वैद्यकीय यासारखी व्यावसायिक पदवी असलेले उमेदवार देखील यासाठी अर्ज करू शकतात. अर्जदाराचे वय १ जुलै २०२५ रोजी २१ ते ३० वर्षांच्या दरम्यान असावे. मात्र राखीव प्रवर्गाला नियमांनुसार सूट मिळेल. यासोबतच, अर्ज करणाऱ्या उमेदवाराला आरबीआयकडे नोंदणीकृत कोणत्याही व्यावसायिक बँकेत किंवा प्रादेशिक ग्रामीण बँकेत अधिकारी स्तरावर किमान एक वर्षाचा अनुभव असणे आवश्यक आहे.

अर्ज शुल्क

या पदासाठी अर्ज करणाऱ्या उमेदवारांसाठी वेगवेगळे शुल्क निश्चित करण्यात आले आहे. जनरल, ईडब्ल्यूएस आणि ओबीसी प्रवर्गातील उमेदवारांसाठी अर्ज शुल्क ८५० रुपये ठेवण्यात आले आहे. तर एससी, एसटी, दिव्यांग, माजी सैनिक आणि महिला उमेदवारांना फक्त १७५ रुपये भरावे लागतील. डेबिट कार्ड, क्रेडिट कार्ड, इंटरनेट बँकिंग, यूपीआय किंवा इतर उपलब्ध पद्धतींद्वारे शुल्क भरता येईल.

परीक्षा कशी घेतली जाईल

बँक ऑफ बडोदाच्या या भरतीतील निवड प्रक्रियेसाठी उमेदवारांना चार टप्प्यात परीक्षेला बसावे लागेल. सर्वप्रथम, ऑनलाइन परीक्षा घेतली जाईल. उत्तीर्ण झाल्यानंतर उमेदवारांची मानसोपचार चाचणी दिली जाईल आणि यात उत्तीर्ण होणाऱ्या उमेदवारांना गट चर्चेसाठी बोलावले जाईल. यानंतर उमेदवारांना मुलाखतीसाठी बोलावले जाईल. ही परीक्षा एकूण १२० गुणांची असेल, ज्यामध्ये १२० प्रश्न विचारले जातील आणि ती पूर्ण करण्यासाठी १२० मिनिटे दिली जातील.