End Of Life After School Question : बोरगाव (ता. चिक्कोडी) येथील १५ वर्षीय शाळकरी मुलाने शाळा वारंवार चुकवत असल्याच्या कारणावरून आई-वडिलांनी रागावल्याच्या कारणातून गळफास घेऊन आत्महत्या केल्याची घटना उघडकीस आली. यश अनिल पाचंगे (रा. कुंभार मळा, बोरगाव) असे आत्महत्या केलेल्या विद्यार्थ्याचे नाव आहे.

यश हा आठवीत शिकत होता. तो काही दिवसांपासून शाळेला जात नव्हता. त्यामुळे वडिलांनी त्याला रागावले होते. त्याच पार्श्वभूमीवर शुक्रवारी (ता. २५) पुन्हा त्याने शाळेला जाण्यास नकार दिला.

यावरून आईसोबत वाद झाला. त्यानंतर ‘शाळेला जातो’ असे सांगून तो घरातून बाहेर पडला. काही वेळातच त्याने जवळच असलेल्या आत्याच्या घरात वाशाला कापड बांधून घेऊन गळफास लावून आत्महत्या केली.