லோகேஷ் கனகராஜ் தமிழ் சினிமாவில் பணியாற்றும் பிரபலமான திரைப்பட இயக்குனர் திரைக்கதை ஆசிரியர் மற்றும் தயாரிப்பாளர் ஆவார். ஆரம்பத்தில் குறும்பட போட்டியில் பங்கேற்று இவர் இயக்கிய குறும்படத்தை சமர்ப்பித்தார். அதை பார்த்த அந்த நிகழ்ச்சியின் நடுவர் கார்த்திக் சுப்புராஜ் ஈர்க்கப்பட்டு அவரை இயக்குனராக ஊக்குவித்தார். 2017 ஆம் ஆண்டு மாநகரம் என்ற திரைப்படத்தை இயக்கியதன் மூலம் தமிழ் சினிமாவில் இயக்குனராக அறிமுகமானார் லோகேஷ் கனகராஜ். அடுத்ததாக இவர் இயக்கிய கைதி திரைப்படம் வெற்றி பெற்றது.

அடுத்ததாக லோகேஷ் கனகராஜ் இயக்கிய மாஸ்டர், விக்ரம் ஆகிய திரைப்படங்கள் ஹிட் ஆனது. இதனால் அனைவராலும் கவனிக்கப்பட்டு முன்னணி இயக்குனராக ஆனார் லோகேஷ் கனகராஜ். இயக்குனராக மட்டுமல்லாமல் தயாரிப்பாளராகவும் ஒரு சில படங்களை தயாரித்தும் இருக்கிறார் லோகேஷ் கனகராஜ். குறைவான படங்களை எடுத்திருந்தாலும் இவரது படங்கள் நல்ல விமர்சனங்களை பெற்றது. அடுத்ததாக சூப்பர் ஸ்டார் ரஜினிகாந்தை வைத்து கூலி திரைப்படத்தை இயக்கியிருக்கிறார் லோகேஷ் கனகராஜ். இந்த திரைப்படத்திற்கு பெரும் எதிர்பார்ப்பு இருந்து வருகிறது.

இந்நிலையில் ஒரு நேர்காணலில் கலந்து கொண்ட லோகேஷ் கனகராஜ் விஜய் அவர்களை பற்றி பகிர்ந்திருக்கிறார். அவர் கூறியது என்னவென்றால், LCU பெரிய அளவில் ஆனதுக்கு காரணம் விஜய் அண்ணா தான். அவர் இல்லாமல் lcu இல்லை. தொடர்ந்து அவர் LCU வில் நடித்தால் நன்றாக இருக்கும் என்று நான் நினைக்கிறேன். ஆனால் அவர் இப்போது வேறு ஒரு விஷயத்தில் கவனம் செலுத்திக் கொண்டிருக்கிறார். ஆனால் LCU விற்கு அவர் பங்களிப்பு அளவிட முடியாதது என்று பகிர்ந்து இருக்கிறார் லோகேஷ் கனகராஜ்.

Author: Meena