மழைக்காலத்தில் தோல் தொடர்பான பிரச்சினைகள் நம்மை வந்தடைந்து தொல்லைகள் கொடுக்க தொடங்கும். மழைக்காலம் (Rainy Season) தொடங்கிவிட்டாலே, சருமம் புத்துணர்ச்சியை இழந்து டல் அடிக்க தொடங்கும். இந்த பிரச்சனையில் இருந்து நீங்கள் விலகி இருக்க விரும்பினால், இந்தக் கட்டுரை உங்களுக்கானது. குறைபாடற்ற மற்றும் பளபளப்பான சருமத்திற்கான சில சிறப்பு விஷயங்களைப் பற்றி இங்கே சொல்ல போகிறோம். இதன் மூலம், சருமத்தை  (Skin Care) பளபளப்பாக்குவது மட்டுமல்லாமல், வறண்ட சருமப் பிரச்சினையையும் பெருமளவில் தீர்க்க முடியும். இந்த மழை பருவத்தில் சருமத்தின் நிறத்தைப் பராமரிக்க என்னென்ன பொருட்களைப் பயன்படுத்தலாம் என்பதை தெரிந்து கொள்ளுங்கள்.

ALSO READ: மழைக்காலத்தில் முடி உதிர்வை தடுப்பது எப்படி? இயற்கை வழிமுறைகள் இதோ!

ஆரோக்கியமான சருமத்தில் வைட்டமின் சி மிக முக்கிய பங்கு வகிக்கிறது. இதில் ஆக்ஸிஜனேற்ற கூறுகள் நிறைந்துள்ளன. இதனால். சருமத்தில் கொலாஜனை உருவாக்க உதவுகிறது. இதன் உதவியுடன், சருமத்தில் உள்ள கரும்புள்ளிகள் மற்றும் கருவளையங்களைப் போக்கலாம். வைட்டமின் சி நிறைந்த பொருட்களை உங்கள் உணவில் சேர்ப்பதோடு, சருமப் பராமரிப்பில் அதனுடன் தொடர்புடைய சீரம்கள் அல்லது கிரீம்களையும் பயன்படுத்தலாம்.

ஆரோக்கியத்துடன், கிரீன் டீ சருமத்திற்கும் மிகவும் நன்மை பயக்கும். இது பாக்டீரியா எதிர்ப்பு கூறுகளின் சிறந்த ஆதாரமாகக் கருதப்படுகிறது. நீங்கள் தொடர்ந்து கிரீன் டீயைப் பயன்படுத்தினால், பருக்கள் மற்றும் தழும்புகள் பிரச்சனையிலிருந்து விடுபடலாம்.

மழைக்காலங்களில் ரோஸ் வாட்டர் சருமத்திற்கு மிகவும் நன்மை பயக்கும் . ரோஸ் வாட்டரைப் பயன்படுத்தி லேசாக கைகளால் உங்கள் முகத்தை மசாஜ் செய்யலாம். அதன் பிறகு, குளிர்ந்த நீரில் முகத்தைக் கழுவுவதன் மூலம் சரும வறட்சியைப் போக்கலாம். சருமத்தை நீரேற்றமாக வைத்திருப்பதில் இது மிகவும் சிறப்பாக செயல்படுகிறது. அதே நேரத்தில், எண்ணெய் பசை சருமத்திலிருந்து கூடுதல் எண்ணெயை அகற்றுவதிலும் இது மிகவும் பயனுள்ளதாக இருக்கும்.

ALSO READ: பாலை போல் ஜொலிக்க வேண்டுமா..? முக பளபளப்புக்காக தமன்னா சொல்லும் அழகு ரகசியம்!

தேங்காய் எண்ணெய் சருமத்திற்கு மிகவும் நன்மை பயக்கும். முகத்தில் தடவுவது வறட்சி பிரச்சனையை நீக்குவதோடு, சருமத்தில் ஈரப்பதத்தையும் பராமரிக்க உதவுகிறது. தேங்காய் எண்ணெய் , பாக்டீரியா எதிர்ப்பு, அழற்சி எதிர்ப்பு மற்றும் ஆக்ஸிஜனேற்ற எதிர்ப்பு பண்புகளுடன், மழைக்காலத்தில் சரும பாக்டீரியா மற்றும் தொற்று இல்லாமல் இருக்க பெரிதும் உதவுகிறது.