सौदी अरेबिया बस अपघात: सौदी अरेबियात झालेल्या हृदयद्रावक रस्ता अपघाताने भारतात खळबळ उडाली आहे. या अपघातात एकाच भारतीय कुटुंबातील १८ जणांचा मृत्यू झाला. या नुकसानाने कुटुंबावर शोककळा पसरली आहे. मृतांमध्ये नऊ लहान मुले आणि नऊ प्रौढांचा समावेश आहे. अरबस्तानातील मदिनाजवळ सोमवारी एका बसला आग लागली. या अपघातात सुमारे ४५ भारतीयांचा मृत्यू झाला होता. या घटनेने सर्वांनाच धक्का बसला आहे. या हृदयद्रावक घटनेवर तेलगू सिनेसृष्टीतील मेगास्टार चिरंजीवीनेही प्रतिक्रिया दिली आहे.

मेगास्टार चिरंजीवी यांनी सौदी अरेबियातील मदिनाजवळ बस अपघातात मृत्युमुखी पडलेल्या भारतीय यात्रेकरूंबद्दल शोक व्यक्त केला. पत्रकारांना संबोधित करताना चिरंजीवी यांनी मृतांच्या कुटुंबियांबद्दल संवेदना व्यक्त केल्या. चिरंजीवी यांनी पत्रकारांना सांगितले की, “त्यांच्या कुटुंबियांसोबत आमची सहवेदना आणि संवेदना आहे. त्यांच्या आत्म्याला शांती लाभो, अशी आम्ही प्रार्थना करतो.”

एकाच कुटुंबातील 18 जणांचा मृत्यू!

समोर आलेल्या माहितीनुसार, या अपघाताने एक संपूर्ण कुटुंब उद्ध्वस्त झाले आहे. कुटुंबातील भावजय, वहिनी, मेहुणीचा मुलगा, तीन मुली आणि त्यांची मुले असे सर्वजण गेले असल्याचे अहवालात नमूद करण्यात आले आहे. 18 सदस्यीय कुटुंब आठ दिवसांपूर्वी जेद्दाहला गेले होते आणि शनिवारी मदिना येथून परतणार होते. “आम्हाला सकाळी 1:30 वाजता अपघाताची माहिती मिळाली, हा अपघात मदिनापासून 30 किलोमीटर अंतरावर झाला.”

कसा घडला अपघात

अपघात झाला तेव्हा प्रवासी झोपले होते, असे अहवालात म्हटले आहे. बस एका टँकरला धडकल्याने बसने पेट घेतला. पीडितांना जगण्याची कोणतीही शक्यता उरली नाही. पीडितांमध्ये किमान 11 महिला आणि 10 मुले असल्याचे अहवालात नमूद करण्यात आले आहे. मीडिया रिपोर्ट्सनुसार, हा अपघात सौदी वेळेनुसार रात्री 11 च्या सुमारास (भारतीय वेळेनुसार पहाटे 1:30 वाजता) झाला. प्राथमिक माहितीनुसार, बसमधील बहुतांश प्रवासी तेलंगणातील होते.

तेलंगणाचे मुख्यमंत्री रेवंत रेड्डी यांनीही बस अपघातावर शोक व्यक्त केला आहे. भारतीय उमरा यात्रेकरूंच्या मृत्यूच्या वृत्तानंतर, तेलंगणा सरकारने सांगितले की ते रियाधमधील भारतीय दूतावासाच्या संपर्कात होते.