कुडाळ येथे उद्यापासून
आनंद अनुभुती शिबिर

सकाळ वृत्तसेवा
कुडाळ, ता. २८ ः येथील आर्ट ऑफ लिविंगच्या माध्यमातून आनंद अनुभुती शिबिराचे आयोजन केले आहे. ३० डिसेंबर ते २ जानेवारी या कालावधीत येथील ओंकार डिलक्स कार्यालय (एसआरएम विद्यालय) येथे होणार आहे. ३० ला सायंकाळी ६.३० ते ९.३० या वेळेत तर ३१ ते २ जानेवारी या कालावधीत सकाळी ६.३० ते ९.३० यावेळेत हे शिबीर होणार आहे.
नवीन वर्षात उत्साही, आनंदी, निरोगी आणि तणावमुक्त जीवन जगण्याचे रहस्य जाणून घेण्यासाठी या शिबिराचे आयोजन केले आहे. १८ वर्षांवरील सर्वांसाठी हे शिबिर खुले आहे. जगप्रसिद्ध व जीवनाला कलाटणी देणारी दिव्य सुदर्शन क्रिया या शिबिरात तज्ज्ञांच्या मार्गदर्शनाखाली शिकवली जाणार आहे. निरोगी शरीर, आनंदी व तणावमुक्त मन, दैनंदिन कामात गुणत्मक वृद्धी, ऊर्जावर्धक ध्यान आणि प्राणायाम, व्यक्तिमत्व विकसनासाठी पूरक ज्ञान या शिबिरातून दिले जाणार आहे. आनंदी जीवन जगण्यासाठी, मानसिक व भावनिक स्वास्थ्यासाठी, आरोग्याची खरी काळजी घेण्यासाठी हे शिबीर करणे आवश्यक असल्याचे आयोजकांनी म्हटले आहे. तसेच २२ जानेवारीला श्री श्री रविशंकर यांना रत्नागिरी दौऱ्यात भेटण्याची संधी सुद्धा शिबिरार्थींना मिळणार आहे. अधिक माहितीसाठी आणि प्रवेश घेण्यासाठी नारायण, प्रमोद-विनायक अंजली सुचित्रा यांच्याशी संपर्क साधण्याचे आवाहन केले आहे. जास्तीत जास्त संख्येने या शिबिरात सहभागी व्हावे, असे आवाहन आयोजकांनी केले आहे.