குடும்பத்தைக் காப்பாற்றுவதற்காக நாள்தோறும் அயராது உழைக்கும் ஒரு தாய்க்கு, அவரது மகள் கொடுத்த இன்ப அதிர்ச்சி தற்போது இணையத்தில் பலரது இதயங்களையும் நெகிழ வைத்துள்ளது. வெளிநாட்டில் வசித்து வந்த மகள், தனது தாயிடம் சொல்லாமலேயே திடீரென ஊருக்குத் திரும்பி வந்துள்ளார். வேலையில் மும்முரமாக இருந்த தாய், எதிர்பாராத விதமாகத் தனது மகளை நேரில் கண்டதும் இன்ப அதிர்ச்சியில் அப்படியே உறைந்து போனார். நீண்ட நாட்களுக்குப் பிறகு ஒருவரையொருவர் நேரில் பார்த்த அந்தத் தருணத்தில், இருவரும் கட்டித்தழுவி ஆனந்தக் கண்ணீர் வடித்தக் காட்சிகள் பார்ப்பவர் எவரையும் நெகிழச் செய்யும் விதமாக உள்ளன.