தெலங்கானா மாநிலம் ஹைதராபாத்தின் பிரதான சாலையில், இளைஞர் ஒருவர் ஓடும் பைக்கின் மீது படுத்துக்கொண்டு ‘சூப்பர்மேன்’ பாணியில் சாகசம் செய்த வீடியோ சமூக வலைதளங்களில் வெளியாகிப் பெரும் கொந்தளிப்பை ஏற்படுத்தியுள்ளது.

வாகன நெரிசல் மிகுந்த பகல் நேரத்தில், மற்ற வாகன ஓட்டிகளை அச்சுறுத்தும் வகையில் அந்த இளைஞர் தனது உயிரையும், மற்றவர்களின் பாதுகாப்பையும் பணயம் வைத்து இந்த விபரீத செயலில் ஈடுபட்டார். ஹெல்மெட் அணியாமல் அதிவேகமாகச் சென்ற அவர், கைப்பிடியை விடுத்து பைக்கில் படுத்தபடி சென்ற காட்சிகள் இணையத்தில் வைரலானதை அடுத்து, பொதுமக்கள் கடும் கண்டனம் தெரிவித்து வருகின்றனர்.