லாரியின் பின்புறம் தொங்கியபடி பயணித்த சிறுவன் ஒருவன், ஓடும் வாகனத்திலிருந்து திடீரென கீழே விழும் அதிர்ச்சியூட்டும் வீடியோ சமூக வலைதளங்களில் வைரலாகி வருகிறது. லாரி வேகமாகச் சென்றுகொண்டிருக்கும்போது அதன் பின் பகுதியில் ஆபத்தான முறையில் தொங்கிக்கொண்டிருந்த அந்தச் சிறுவன், ஒரு கட்டத்தில் பிடி நழுவி சாலையில் விழுகிறான். ஆனால், விழுந்த வேகத்தில் அடிபட்டும் கூட, அந்தச் சிறுவன் எவ்வித பயமும் இன்றி, மிகவும் அமைதியாக எழுந்து நடந்து செல்வது பார்ப்பவர்களை ஆச்சரியத்திலும் அதிர்ச்சியிலும் ஆழ்த்தியுள்ளது.
கடவுளின் அருளால் அச்சிறுவன் உயிர் தப்பினாலும், இத்தகைய ஆபத்தான செயல்கள் எத்தகைய விபரீதத்தை உண்டாக்கும் என்பதற்கு இந்த வீடியோ ஒரு சாட்சியாக இருக்கிறது. எந்த ஒரு பதற்றமும் இல்லாமல் அந்தச் சிறுவன் நடந்துகொள்வது வியப்பை ஏற்படுத்தினாலும், இது போன்ற பொறுப்பற்ற செயல்கள் உயிருக்கே ஆபத்தாக முடியும் என சமூக வலைதளங்களில் பலரும் எச்சரிக்கை விடுத்து வருகின்றனர். இந்த வீடியோ இப்போது இணையத்தில் பெரும் விவாதத்தை ஏற்படுத்தியுள்ளது.
