Ajit Pawar Baramati Plane Crash: गेल्या साडेचार दशकांपासून राज्याच्या राजकारणावर अविट छाप सोडलेले राज्याचे धुरंदर नेते उपमुख्यमंत्री अजितदादा पवार यांचे आज (28 जानेवारी) बारामतीमध्ये भीषण विमान अपघातात निधन झाले. त्यांच्या निधनाने अवघ्या महाराष्ट्रामध्ये नेतृत्वाची पोकळी तयार झाल्याचे बोलले जात आहे. अजित पवार यांच्या धक्कादायक आणि अकाली एक्झिटनंतर उद्ध्वस्त या एका शब्दात खासदार सुप्रिया सुळे यांनी दिली आहे. सुप्रिया सुळे यांनी व्हाट्सअप स्टेटसच्या माध्यमातून प्रतिक्रिया दिली आहे. 'Devastated' या एकाच शब्दात सुप्रिया सुळे यांनी प्रतिक्रिया दिली आहे. सुप्रिया सुळे यांनी दिल्लीतून बारामतीकडे प्रस्थान केलं आहे. त्यांच्यासोबत खासदार सुनेत्रा पवार सुद्धा सोबत असल्याची माहिती आहे.
अजित पवारांच्या अपघाताची बातमी येऊन धडकल्यानंतर राष्ट्रवादीसह अवघ्या महाराष्ट्रात सन्नाटा पसरला आहे. कार्यकर्त्यासह नेत्यांना सुद्धा अश्रु अनावर झाले. ज्येष्ठ नेते अनिल देशमुख यांना अजित पवारांचे निधनाचे वृत समजताच त्यांना अश्रु अनावर झाले. त्यांना प्रतिक्रिया सुद्धा देता आली नाही. वैद्यकीय शिक्षण मंत्री हसन मुश्रीफ यांनाही आम्ही पोरके झालो म्हणत अश्रु अनावर झाले.
दरम्यान, आज अजित पवार यांचा जिल्हा परिषद आणि पंचायत समिती निवडणुकीसाठी बारामती दौरा होता. या दौऱ्यासाठी नेहमीप्रमाणे ते आज सकाळी बारामतीकडे विमानाने निघाले होते. बारामतीमध्ये लँडिंग करतानाच त्यांच्या विमानात तांत्रिक बिघाड झाला. यानंतर विमान जमीनदोस्त होऊन आग लागली. या आगीमध्ये विमानातील अजित पवारांसह पाच जणांचा वाचण्याची शक्यता कमीच असल्याचे बोलले जात होते. दरम्यान, अत्यंत गंभीर अवस्थेत त्यांना उपचारासाठी बारामतीमध्ये दाखल करण्यात आले, पण त्यांची प्राणज्योत मालवली. अजित पवार यांच्यासह विमानात पाच जण होते. अजित पवार यांच्यासह विमानात विदित जाधव (PSO to DyCM), पायलट सूमित कपूर, सांभवी पाठक (पायलट), आणि फ्लाईट असिस्टंट पिंकी माळी यांचा समावेश होता.
इतर महत्वाच्या बातम्या
