अजय देवगण, तब्बू यांच्या भूमिका असलेला 'दृश्यम 2' हा चित्रपट बॉक्स ऑफिसवर चांगलाच गाजला होता. या चित्रपटाचा दिग्दर्शिक अभिषेक पाठक लवकरच त्याच्या आयुष्याच्या एका प्रवासाची सुरुवात करणार आहे. अभिषेकची पत्नी गरोदर असून त्यांच्या घरी लवकरच पाळणा हलणार आहे.

'खुदा हाफिद' फेम अभिनेत्री शिवालिका ओबेरॉय लवकरच आई होणार आहे. नुकतंच तिच्या डोहाळे जेवणाचा कार्यक्रम पार पडला. या खास क्षणांचे फोटो तिने सोशल मीडियावर पोस्ट केले आहेत.

शिवालिकाचं डोहाळे जेवण अत्यंत पारंपरिक पद्धतीने पार पडलं. या कार्यक्रमाला फक्त कुटुंबीय आणि जवळचा मित्रपरिवार उपस्थित होता. शिवालिकाने पती अभिषेक पाठकसोबत खास फोटोशूटसुद्धा केलं.

शिवालिकाने काही वर्षांच्या डेटिंगनंतर 2023 मध्ये दिग्दर्शक अभिषेक पाठकशी लग्न केलं. अभिषेक हा 'दृश्यम 2' आणि 'उजडा चमन' यांसारख्या चित्रपटांचा दिग्दर्शक आहे. त्याने 'प्यार का पंचनामा', 'प्यार का पंचनामा 2', 'सेक्शन 375' यांसारख्या चित्रपटांची निर्मितीसुद्धा केली आहे.

शिवालिका आणि अभिषेकच्या या फोटोंवर चाहत्यांनी लाइक्स आणि कमेंट्सचा वर्षाव केला आहे. या दोघांना फिल्म इंडस्ट्रीतील कलाकारांनीही शुभेच्छा दिल्या आहेत.