सुपे, ता. ३ : सुपे (ता. बारामती) परिसरातील ग्रामस्थांनी दिवंगत उपमुख्यमंत्री अजित पवार यांच्या अस्थिकलशाचे मंगळवारी (ता. ३) दर्शन घेतले. अस्थिकलशाचे दर्शन घेताना अनेक कार्यकर्ते व ग्रामस्थांचे डोळे पाणावले होते.
येथील पुणे जिल्हा शिक्षण मंडळाच्या येथील श्रीशहाजी व उच्च माध्यमिक विद्यालयाच्या आवारात मंगळवारी (ता. ३) दुपारी अस्थिकलश दर्शनासाठी ठेवण्यात आला होता. येथील विद्यार्थ्यांनी अखेरचा दंडवत अशा शब्दांच्या आकारात बसून श्रद्धांजली वाहिली.
याप्रसंगी संभाजी होळकर, पुरुषोत्तम जगताप, सरपंच तुषार हिरवे, शंकरराव चांदगुडे, पोपटराव पानसरे, भरत खैरे, ज्ञानेश्वर कौले, अनिल जगताप, रतनसिंह खैरे, प्राचार्या एस. ए. लोणकर, दत्तात्रेय कुतवळ आदींसह सुपे व परिसरातील ग्रामस्थ, विविध संस्थांचे कार्यकर्ते, आजी-माजी पदाधिकारी उपस्थित होते. दरम्यान, शिक्षक व शिक्षकेतर कर्मचारी व उपस्थितांनी श्रद्धांजली अर्पण केली. सामुदायिक पसायदान घेण्यात आले.

02356