Akola Crime News : अकोला जिल्ह्यातील बाळापूर (Balapur Crime) शहरात एक धक्कादायक प्रकार घडला आहे. काल (6 फेब्रुवारी) रात्री एका लग्नाच्या मिरणवूकीत नंग्या तलवार फिरवल्याचा धक्कादायक प्रकार समोर आलाय. मात्र, या लग्न मिरवणुकीत तरुणांना नंग्या तलवारीसह नाचनं चांगलंच अंगाशी आलंय. कारण, डीजेवर तालावर काही तरुण या ठिकाणी नंग्या तलवारी फिरवत होते, याचं वेळी बाजूला उभ्या असलेल्या एका लहान मुलाच्या डोक्याला ही तलवार लागलीये. यात मुलाच्या डोक्याला मोठा मार लागलाये. तर त्याच्या डोक्याला 5 टाके लागले आहे. (Akola Crime News)
Akola Crime News : पोलिसांकडून अक्षम्यपणे दुर्लक्ष?
दरम्यान, मुलावर बाळापूरच्या ग्रामीण रुग्णालयात उपचारासाठी दाखल केलं होतं. या प्रकरणी बाळापूर शहर पोलीस पुढील तपास करतायेत. दरम्यान, एखाद्या कार्यक्रमात म्यानातून तलावर उपसली तरी प्रतिबंधक कायद्यान्वये कारवाई होते. मात्र, काल बाळापूरात या लग्न मिरवणुकीत अशाप्रकारे तलवारी फिरविल्याव जात असेल तर त्यावेळी पोलिसांकडून अक्षम्यपणे दुर्लक्ष झालं होत कां? असा सवाल उपस्थित होतोय. त्यामुळे आता या प्रकरणी नेमकी काय कारवाई केली जाते, हे पाहणं महत्वाचे ठरणार आहे.
Parbhani : काँग्रेस आणि एकनाथ शिंदे शिवसेनेचे कार्यकर्ते आपआपसात भिडले, एक जण जखमी
दुसरीकडे, परभणीच्या पाथरीत काँग्रेस आणि एकनाथ शिंदे शिवसेनेचे कार्यकर्ते आपआपसात भिडले आहे. यात काँग्रेस कार्यकर्त्यांला चाकू लागल्याने शिवसेनेचा एक जण जखमी झाला आहे. परभणीच्या पाथरीतील देवनांद्रा जिल्हा परिषद गटातील गुलशन नगर येथील मतदान केंद्रावर किरकोळ कारणावरून हा वाद झालाय. यात काँग्रेस आणि एकनाथ शिंदें शिवसेनेच्या कार्यकर्त्यांत हाणामारी झाली आहे. ज्यात एक जण जखमी झाला आहे.
Parbhani News : किरकोळ कारणावरून काँग्रेस आणि शिंदे सेनेचे कार्यकर्त्यांत हाणामारी, पोलीस बंदोबस्तात वाढ
दरम्यान, आज मतदान पार पडत असताना किरकोळ कारणावरून काँग्रेस आणि शिंदे सेनेचे कार्यकर्त्यांत बाचाबाची झाली. त्यांनतर त्याचे पर्यवसान हाणामारी झाले. ज्यात काँग्रेसच्या कार्यकर्त्याचा चाकू लागल्याने शिंदे सेनेचा कार्यकर्ता हा जखमी झाला आहे. वसीम शेख असे जखमी झालेल्या कार्यकर्त्याचे नाव असुन पाथरीत प्रथमोपचार करून परभणी येथे हलवण्यात आले आहे. पोलिसानी तत्काळ घटनास्थळी पोहचत दोन्हीकडच्या कार्यकर्त्यांना बाजूला केले. त्यामूळे पुढील वाद टळला आहे. दरम्यान पाथरीत पोलीस बंदोबस्त वाढवण्यात आला आहे.
इतर महत्वाच्या बातम्या
