पंढरपुरात पालखी मार्गावरील रस्त्याचे काम सुरू असताना मुरूम वाहतूक करणाऱ्या एका टिपरला आज दुपारी अचानक आग लागली. इसबावी परिसरात ही घटना घडली. आग लागल्याचे लक्षात येताच चालकाने प्रसंगावधान राखत वेळेत बाहेर उडी घेतली आणि आपला जीव वाचवला. घटनेची माहिती मिळताच स्थानिक अग्नीशमन दल घटनास्थळी दाखल झाले आणि आग नियंत्रणात आणली.

सोलापूरच्या मोहोळ तालुक्यातील एका धाब्यावर EVM मशीन आढळून आल्याच्या प्रकाराची गंभीर दखल घेत जिल्हा प्रशासनाने संबंधितांकडून खुलासा मागितला आहे. या प्रकरणात क्षेत्रीय अधिकारी तसेच निवडणूक कर्मचाऱ्यांकडून स्पष्टीकरण मागवण्यात आले आहे.
दरम्यान, संबंधित EVM मशीन राखीव (रिझर्व्ह) असल्याने त्यावर कोणतेही मतदान झालेले नाही, त्यामुळे नागरिकांनी अफवांवर विश्वास ठेवू नये, असे आवाहन सोलापूर जिल्हा परिषद निवडणूक प्रभारी संतोषकुमार देशमुख यांनी केले आहे.
याचबरोबर अकलूज येथे लहान मुलाला मतदान केंद्रात नेल्याच्या प्रकरणातही कारवाई होणार असून, मोहिते पाटील यांच्यासह संबंधित निवडणूक कर्मचाऱ्यांवर कारवाई करण्यात येणार असल्याची माहिती उपजिल्हाधिकारी तथा निवडणूक प्रभारी संतोषकुमार देशमुख यांनी दिली आहे.

मोहोळमध्ये धाब्यावर ईव्हीएम मशीन आढळल्याचा प्रकार दुर्दैवी आणि अत्यंत गंभीर असून याप्रकरणी संबंधितांवर कारवाई करण्यात येणार असल्याचे महसूल उपजिल्हाधिकाऱ्यांनी स्पष्ट केले आहे.
मतदान प्रक्रियेत आपल्या मुलाला ईव्हीएमचे बटन दाबायला लावणे चुकीचे असून त्या मतदारासह संबंधित अधिकाऱ्यांवरही कारवाई होणार आहे.
खासदार धैर्यशील मोहिते पाटील यांचे चुलत भाऊ अर्जुनसिंह मोहिते पाटील यांच्याविरोधातही आवश्यक ती कारवाई करण्यात येणार आहे.
तसेच ईव्हीएमखाली जादूटोणा केल्याचा धक्कादायक प्रकार समोर आला असून, या घटनेची सखोल चौकशी केली जाणार आहे.

८ फेब्रुवारी २०२६ रोजी उत्तरप्रदेश येथे बीटा-२ पोलिस ठाण्याच्या हद्दीत असलेल्या अच्छेर परिसरात कथित धर्मांतर होत असल्याची माहिती मिळाली. माहितीवरून तातडीने कारवाई करत स्थानिक पोलिसांनी घटनास्थळी पोहोचून तपास केला. तपासात असे दिसून आले की, सुरेश नावाचा टॅक्सी चालक त्याची पत्नी आणि मेहुणी आणि अच्छेर येथील रहिवासी चंद्रकरण नावाच्या व्यक्तीसह काही महिलांना एकत्र करून त्यांना ख्रिश्चन धर्माबद्दल माहिती देत होता. दोन्ही पुरुषांना चौकशीसाठी पोलिस ठाण्यात आणण्यात आले आहे. परिस्थिती नियंत्रणात आहे. गुन्हा दाखल करण्यात आला आहे आणि कायदेशीर कारवाई केली जात आहे.

वाशीतील एपीएमसी मार्केट (Vashi APMC Market) परिसरातील टर्मिनलमध्ये पार्किंगमध्ये उभ्या असलेल्या एका ट्रकला अचानक आग लागल्याची घटना घडली आहे. आग लागल्याची माहिती मिळताच वाशी अग्निशमन दलाचे जवान तातडीने घटनास्थळी रवाना झाले असून आगीवर नियंत्रण मिळवण्याचे प्रयत्न सुरू आहेत. सुदैवाने आत्तापर्यंत कोणतीही जीवितहानी झाल्याची माहिती समोर आलेली नाही. आगीचे नेमके कारण अद्याप स्पष्ट झालेले नसून, अधिक तपास सुरू आहेत.

राज्याचे मुख्यमंत्री देवेंद्र फडणवीस हे आज नाशिकच्या येवला दौऱ्यावर येत असून त्यांचा हा दौरा महत्त्वाचा मानला जात आहे. वडगाव येथील कापसे फाउंडेशन या ठिकाणी प्रधानमंत्री कौशल्य योजना सेंटरचे उद्घाटन सह अनुलोम या संस्थेचा कार्यक्रम होणार असून, आयोजकांच्या वतीने मुख्यमंत्री देवेंद्र फडणवीस यांच्या स्वागताची जय्यत तयारी करण्यात आली आहे. कापसे फाउंडेशनच्या मूकबधिर मुलांनी आकर्षक फुलांची सजावट करून फडणवीस यांच्या एकत्रित कुटुंबाची सुंदर रांगोळी काढली असून मुख्यमंत्र्यांच्या स्वागताची जय्यत तयारी करण्यात आली आहे

जुन्या मुंबई-पुणे महामार्गावर पनवेलमध्ये टोल नाक्यावर गोंधळ झाल्याची माहिती समोर आली आहे.

उपमुख्यमंत्री अजित पवार यांच्या निधनानंतर प्रथमच अभिनेते सयाजी शिंदे यांनी आपली प्रतिक्रिया दिली आहे.. यावेळी त्यांनी महाराष्ट्राच्या भल्यासाठी दोन्ही राष्ट्रवादींनी एकत्र यावे अशी इच्छा व्यक्त करत दादांची ही शेवटची इच्छा पूर्ण करावी अस ते म्हणाले आहेत.

लातूरमध्ये बिबट्याला जेरबंद करण्यात अखेर वन विभागाला यश आलं आहे.

लाखो भाविकांचे श्रद्धास्थान असलेल्या आंगणेवाडी भराडी देवीची यात्रा उद्या, ९ फेब्रुवारी रोजी संपन्न होणार असून याची जय्यत तयारी पूर्ण झाली आहे. देवीच्या मंदिराभोवती आकर्षक सभा मंडप उभारण्यात आला असून विद्युत रोषणाई करण्यात आली आहे. देवीच्या दर्शनासाठी येणाऱ्या भाविकांसाठी नऊ रांगाद्वारे दर्शन देण्यात येईल. उद्या देवीच्या दर्शनासाठी राजकीय नेते व मुंबई नगरपालिकेत निवडून आलेले नगरसेवक आंगणेवाडी येथे येण्याची शक्यता आहे. त्यामुळे या ठिकाणी कडक पोलिस बंदोबस्त ठेवण्यात आला आहे.

बारामती विधानसभा मतदारसंघातील रिक्त जागा भरण्यासाठी लवकरच पोटनिवडणूक होण्याची शक्यता आहे. या मतदारसंघासाठी विशेष संक्षिप्त मतदारयादी पुनरिक्षण कार्यक्रम जाहीर करण्यात आला आहे. मतदारयादी अद्ययावत, अचूक आणि पारदर्शक राहावी यासाठी हा कार्यक्रम राबविण्यात येणार आहे. एकत्रित प्रारूप मतदारयादी सोमवारी प्रसिद्ध केली जाईल. त्यानंतर ९ फेब्रुवारी ते २५ फेब्रुवारी या कालावधीत मतदारांकडून दावे व हरकती स्वीकारल्या जातील. अंतिम मतदारयादी १० मार्च रोजी प्रसिद्ध केली जाईल.

रत्नागिरीत देखील गजानन महाराज प्रकटदिन सोहळा साजरा करण्यात आला. खेड तालुक्यामधील कशेडी येथे श्री गजानन महाराज मंदरात सकाळपासून धार्मिक कार्यक्रमाचं आयोजन करण्यात आलं होतं. १४८ व्या प्रकट दिन सोहळ्यानिमित्त मंदिरात पहाटेपासूनच विधीवत अभिषेक आणि होमहवन असे विविध कार्यक्रमांनी मंदिरातील वातावरण भक्तीमय झालय.

पुण्यातील महापौर बंगल्याचं नूतनीकरणाच काम अंतिम टप्प्यात आले असून तब्बल चार वर्षानंतर पुण्याचे महापौर बंगल्यात वास्तव्यास येणार..त्यानिमित्ताने गेल्या अनेक वर्षापासून बंद असलेल्या महापौर बंगल्याचं नूतनीकरणाचे काम सुरू झाले आहे.

केंद्रीय कृषीमंत्री शिवराज चौहान यांनी सांगितले की, अमेरिकेतील सर्वच कृषी उत्पादनांना भारतात सवलत देण्यात आलेली नाही. "सोयाबीन, मका, तांदूळ, गहू, साखर, धान्य, कुक्कुटपालन उत्पादने, दुग्धजन्य पदार्थ, केळी, स्ट्रॉबेरी, चेरी, आंबट फळे, हिरवे वाटाणे, काबुली चणा, मूग, तेलबिया, इथेनॉल आणि तंबाखू यांसारख्या उत्पादनांना कोणताही शुल्क सवलत मिळालेली नाही. तर आपल्या प्रमुख पिके, फळे आणि दुग्धजन्य पदार्थांना अमेरिकन बाजारपेठेत प्रवेश मिळालेला नाही. त्याचप्रमाणे, द्रव पदार्थ, पावडर, क्रीम, दही, ताक, लोणी, तूप, बटर ऑइल, पनीर आणि चीज यांची भारतात आयात केली जाणार नाही. आमचे मसाले संरक्षित आहेत. अनेक भारतीय कृषी उत्पादनांना अमेरिकेत शून्य-शुल्काचा प्रवेश मिळेल, तरीही अमेरिकन कृषी वस्तूंना भारतात अशीच सूट मिळालेली नाही."