Tata Punch EV Facelift: भारतीय बाजारात अखेर टाटा मोटर्सने Punch EV Facelift लाँच केली आहे. Tata Punch EV ची सुरुवातीची एक्स शोरुम किंमत ९.६९ लाख रुपये ठेवण्यात आली आहे. तर याच्या टॉप व्हेरिएंटची किंमत १२.५९ लाख रुपये ठेवण्यात आली आहे. कंपनी बॅटरी एज-ए-सर्व्हीस ( BaaS ) चा पर्याय देखील देत आहे, त्यामुळे या अंतर्गत सुव्ह ६.४९ लाख रुपयांच्या सुरुवातीच्या किंमतीवर खरेदी केली जाऊ शकते. या प्लानमध्ये ग्राहकांना बॅटरीच्या भाड्याच्या रुपाने प्रति किलोमीटर २.६ रुपये द्यावे लागतील. याची बुकींग ऑनलाईन आणि डिलरशिप दोन्ही ठिकाणी सुरु झाली आहे. हे मॉडेल MR आणि LR सारख्या वेगवेगळ्या रुपात उपलब्ध आहे.
या अपडेट सोबत कंपनीचे टार्गेट या मायक्रो इलेक्ट्रीक एसयुव्हीला येत्या काळासाठी तयार करणे आहे. पंच ईव्ही फेसलिफ्ट कॉम्पॅक्ट डायमेन्शन आणि एसयुव्ही सारख्या डिझाईन सह येणार आहे. भारतीय बाजारात या कारचा मुकाबला सिट्रोएन ईसी ३ शी होईल.पंच ईव्हीच्या बंपरच्या डिझाईनमध्ये काही बदल केले आहेत. या बदलांमुळे ही कार डिझाईनच्या बाबतीत नेक्सॉन ईव्ही आणि हॅरियर ईव्ही सारख्या अन्य कारसारखी दिसत आहे.
या कार मध्ये Apple CarPlay, Android Auto, फ्रंट व्हेंटिलेटेड सिट्स, कूल्ड ग्लोव्हबॉक्स, ऑटोमॅटिक क्लायमेट कंट्रोल, 10-इंचाचा इंफोटेनमेंट स्क्रीन, व्हॉईस असिस्टेंट, 360-डिग्री कॅमरा, रिअर वायपर आणि डिफॉगर, ESP आणि सहा एअर बॅग्स स्टँडर्ड फिचर्स म्हणून मिळत आहेत.
पंच ईव्हीच्या इंटेरिअरमध्ये काही बदल केले आहेत. यात आता दहा इंचाचा इन्फोटेन्मेंट स्क्री , डिजिटल इंस्ट्रुमेंट क्लस्टर आणि चमकत्या लोगोसह दोन स्पोकचा स्टिअरिंग व्हिल देण्यात आला आहे. सेंटर कन्सोलमध्ये टच ऑपरेटेड कंट्रोल आणि रोटरी डायल देखील आहे. लेदरेट अपहोल्ट्री आणि डॅशबोर्डवर ड्युअल-टो शेड्ससोबत कन्सोलमध्ये रोटरी डायलचा वापर यामुळे ही कार दमदार झाली आहे.
सेफ्टी फिचर्ससाठी होल्ड असिस्ट, सहा एअर बॅग्स, इलेक्ट्रॉनिक स्टेबिलीटी प्रोग्रॅम, आय-टीपीएमएस आणि आयसोफिक्स माऊंट सारख्या मानक फिचर्स सर्वच मॉडेलमध्ये मिळत आहेत. टाटा पंच ईव्ही फेसलिफ्ट १९५ मिमीचा ग्राऊंड क्लिअरन्स आणि ४५० मिमीसोबत येते.कारचा कर्ब वेट १३६० किलोग्रॅम आहे. ज्यामुळे कारला चांगली स्थिरता मिळते.
Tata Punch
डीसी फास्ट चार्जर- सीसीएस 2
वॉल बॉक्स चार्जर- 7.2 किलोवॅट
होम चार्जर- 3.3 किलोवॅट
Tata Punch EV फेसलिफ्ट मध्ये मोठी 40kWh बॅटरी पॅक दिलेला आहे.ARAI च्यानुसार या कारची कमाल रेंज ४६८ किमी आहे. तर रोजच्या वापरासाठी सुमारे ३५५ किमीची रेंज ही कार देते. यासोबत 30kWh बॅटरीचा पर्याय देखील मिळतो. ज्यामुळे ३६५ किमीची रेंज मिळते. डीसी फास्ट चार्जर मुळे २० ते ८० टक्क्यांपर्यंत चार्ज करण्यास २६ मिनिटे लागतात. आणि केवळ १५ मिनिटांच्या चार्जिंगने सुमारे १३५ किमीचे अंतर कापता येते. कंपनी बॅटरीवर लाईफटाईम वॉरंटी देखील देत आहे. हे मॉडेल Acti.ev प्लेटफॉर्मवर बेस्ड आहे.
