नवी दिल्ली : जगभरातील देशांशी भारताचे राजनैतिक, सांस्कृतिक अन् आर्थिक संबंध अधिक दृढ व्हावेत यासाठी लोकसभा अध्यक्ष ओम बिर्ला यांनी एक 'संसदीय मैत्री गट' स्थापन केला आहे. या गटामध्ये सत्ताधारी खासदारांसोबतच इंडिया आघाडीतील महत्वाच्या खासदारांचा समावेश करण्यात आहे. त्यानुसार, संजय राऊत, सुप्रिया सुळे आणि गौरव गोगोई हे देखील दौऱ्यावर जाणार आहेत.

या दौ-यासाठी लोकसभा अध्यक्ष ओम बिर्ला यांनी २३ विविध प्रकारचे गट तयार केले असून या गटांच्या नेतृत्वाची जबाबदारी काही वरिष्ठ तर काहीशा जुन्या खासदारांवर सोपवण्यात आली आहे. यामध्ये संजय राऊत, सुप्रिया सुळे आणि गौरव गोगोई यांसारखी इंडिया आघाडीतील मंडळींकडं नेतृत्व देण्यात आलं आहे.