Indapur Accident News : इंदापूर तालुक्यातील डाळज नं. 2 इथं भीषण अपघात झाल्याची घटना घडली आहे. सोलापूर-पुणे महामार्गावर आज सायंकाळी पाच वाजण्याच्या सुमारास हा भीषण अपघात झाला आहे. या अपघातात तीन जणांचा जागीच मृत्यू झाला असून, एक जण गंभीर जखमी झाला आहे. या अपघातात इको गाडीतून प्रवास करणाऱ्या सहा प्रवाशांपैकी तिघांचा दुर्दैवी मृत्यू झाला आहे. मृतांमध्ये आदिती हातेकर, सखुबाई गेजगे व जय हातेकर, सर्व रा. सांगोला, जि. सोलापूर यांचा समावेश आहे.
अपघातात इको गाडीचे चालक कबीरदास ईश्वर गेजगे (वय 50 वर्षे, रा. पाटस) हे गंभीर जखमी झाले असून त्यांच्यावर उपचार सुरू आहेत. तसेच स्वाती कबीरदास गेजगे (वय 34 वर्षे) व समृद्धी कबीरदास गेजगे (वय 10 महिने), दोघीही रा. पाटस या किरकोळ जखमी झाल्या आहेत. या बाबत मिळालेल्या माहितीनुसार, सोलापूर–पुणे लेनवरून जाणारा आयशर टेम्पो याचा टायर अचानक पंचर झाल्याने वाहन चालकाने तो टेम्पो महामार्गाच्या साईडला अर्धवट आणि धोकादायक स्थितीत उभा केला होता. दरम्यान, पाठीमागून येणाऱ्या मारुती सुझुकी कंपनीच्या इको या चारचाकी वाहनाच्या चालकाचे वाहनावरील नियंत्रण सुटल्याने त्याने उभ्या असलेल्या टेम्पोला जोरदार धडक दिली. घटनेची माहिती मिळताच भिगवण पोलीस तात्काळ घटनास्थळी दाखल झाले. जखमींना त्वरित उपचारासाठी जवळील रुग्णालयात दाखल करण्यात आले असून मृतदेह शवविच्छेदनासाठी पाठविण्यात आले आहेत. या प्रकरणी भिगवण पोलीस स्टेशन पुढील तपास सुरु आहे.
भिवंडीतील अंजूर फाटा परिसरात हायवा डंपरने दुचाकीस्वाराला चिरडल्याची घटना घडली आहे. या अपघातात दुचाकीस्वाराचा जागीच मृत्य झाला आहे. भार्गव पाटील (वय 24 रा. खारबाव) असे अपघातात मृत झालेल्या तरुणाचे नाव आहे. दरम्यान अपघाताचा संपूर्ण प्रकार सीसीटीव्ही कॅमेरात कैद झाली आहे. तसेच अपघातानंतर नारपोली पोलिसांनी पंचनामा करीत मृतदेह शवविच्छेदना करिता शहरातील शासकीय स्व.इंदिरा गांधी रुग्णालयात पाठवण्यात आला आहे.
नेहमीप्रमाणे भार्गव कामावरून आपल्या घरी जात असताना रस्त्यावर अचानक भरधाव डंपरने धडक दिल्याने दुचाकीसह भार्गव थेट डंपरच्या खाली पडल्याने टायर खाली येऊन चिरडला गेला. ज्यामुळं त्याचा जागीच मृत्यू झाल्याचे धक्कादाय घटना घडली आहे. या घटनेमुळं परिसरात हळहळ व्यक्त केली जात आहे. या घटनेनंतर स्थानिकांनी घटनेची माहिती नारकोली पोलिसांना दिली मात्र पोलीस घटनास्थळी दाखल होत पंचनामा करून मृतदेह शव विच्छेदनासाठी शासकीय रुग्णालयात पाठवण्यात आला आहे. तर वाहन चालकाच्या विरोधात नारपोली पोलिस ठाण्यात गुन्हा दाखल करण्याची प्रक्रिया सुरु आहे. या अपघाताची घटना सीसीटीव्हीत कैद झाली असून पोलीस अधिक तपास करत आहेत.
