इराण आणि अमेरिका यांच्या युद्धात मोठा फटका जगातील अनेक देशांना बसत आहे. महत्वाचा सागरी मार्ग इराणकडून बंद करण्यात आला. भारताला एलपीजी गॅसचा ज्या मार्गाने पुरवठा होतो, तोच मार्ग बंद झाल्याने भारतात गॅसचा मोठा तुटवडा निर्माण झाला. व्यावसायिक गॅस सिलेंडर मिळणे सध्या पूर्णपणे बंद आहे. यामुळे अनेक हॉटेल चालकांपुढे मोठे संकट आहे. गॅसचा तुटवडा निर्माण झाल्याने अनेक लोकांच्या रोजगाराचा मोठा प्रश्न आहे. इराण आणि अमेरिका युद्धाच्या पार्श्वभूमीवर 60 रूपयांनी घरगुती गॅस सिलेंडरच्या भावात वाढ करण्यात आली होती. त्यानंतर आता एलपीजी रिक्षांच्या इंधन दरात एकाच दिवसात 13 रूपयांची वाढ झाली. 62 रूपये प्रतिलीटर मिळणारा गॅस आता 75 रूपयांवर पोहोचला आहे. इस्त्रायल आणि अमेरिकेने 28 फेब्रुवारी रोजी मोठा हल्ला इराणवर केला. ज्यानंतर इराणकडून आखाती देशांवर हल्ले करण्यात आले. ज्यामध्ये तेल रिफायनरीवरही हल्ला करण्यात आला.

अनेक देशांनी झालेल्या नुकसानानंतर तेल रिफायनरी बंद करण्याचा निर्णय घेतला. राज्यातील प्रमुख देवस्थानांना देखील गॅस तुटवड्याचा फटका बसताना दिसत आहे. त्यामध्येच आता रिक्षाचा प्रवास देखील महागणार असल्याचे सांगितले जात आहे. कारण छत्रपती संभाजीनगरमध्ये 13 रूपयांनी मिळणारा 62 रूपये प्रतिलीटर गॅस आता 75 रूपयांवर पोहोचला आहे.

छत्रपती संभाजीनगरमध्ये थेट एकाच दिवसात 13 रूपयांनी वाढ झाल्याने रिक्षाचालकांमध्ये चिंतेचे वातावरण आहे. राज्यात फक्त व्यावसायिकच नाही तर घरगुती गॅस सिलेंडरचाही तुटवडा निर्माण झाला. अमेरिका आणि इराण युद्धाचा इतका जास्त फटका बसेल, याचा कोणी विचारही केला नव्हता. जगात कच्च्या तेलाची आणि गॅसची मोठी समस्या निर्माण झाली.

इराण आणि अमेरिका युद्ध लवकरात लवकर थांबवावे, अशी मागणी केली जात आहे. मात्र, हे युद्ध काही थांबवण्याचे नाव घेत नाही. उलट इराणकडून महत्वाचा समुद्री मार्ग बंद करण्यात आल्याने इराणवर अजून घातक हल्ले अमेरिका करताना दिसत आहे. पुढील काही आठवडे हे युद्ध सुरू राहण्याचे संकेत आहेत. या युद्धामुळे जगातील तेलाच्या किंमती अस्थिर झाल्याचे बघायला मिळत आहे.