White Phosphorus-Cluster Bombs: इराणने इस्त्रायलवर क्षेपणास्त्र हल्ले तीव्र केले आहेत. तर हमास, हिजबुल्लाह आणि हुतीने मध्य-पूर्वेतील अमेरिकन सैन्य तळांना लक्ष केले आहे. क्लस्टर बॉम्ब वाहून नेणारी क्षेपणास्त्र होलोन आणि तेल अवीव जवळील बात याम या शहरांसह इतर अनेक शहरांना इराणने लक्ष्य केले आहे. मोजतबा खोमेनी यांनी सत्तेची सूत्र हाती घेताच घातक क्लस्टर बॉम्बेचा वापर करण्यात आला आहे. इस्लामिक रिव्होल्युशनरी गार्ड या निमलष्करी दलाने खोर्रमशहर, फत्ताह आणि खेबार क्षेपणास्त्र डागली आहेत. हल्ल्यात घातक शस्त्रांचा वापर केल्याचे समोर आल्याने जागतिक समुदायाने चिंता व्यक्त केली आहे. हे युद्ध आता अत्यंत खतरनाक टप्प्यावर आले आहे. क्लस्टर बॉम्ब आणि व्हाईट फॉस्फरसच्या युद्धातील वापरावर बंदी असतानाही इराण त्याचा बिनधास्त वापर करत असल्याने चिंता व्यक्त करण्यात येत आहे. तर दुसरीकडे इस्त्रायलकडे सुद्धा अशीच अस्त्र असल्याने मानव जातीसाठी ही धोक्याची घंटा असल्याचे म्हटले जात आहे. या शस्त्रांचा वापर हा युद्ध गुन्हा मानल्या जातो. या दोन्ही घातक अस्त्रांचा वापर वाढल्यास तिसरे महायुद्ध होण्याची भीती तज्ज्ञ व्यक्त करत आहेत. ...