एमएस धोनी फॅन व्हिडिओ व्हायरल CSK गर्जना 2026 : चेन्नई सुपर किंग्सने (CSK) आयपीएलपूर्वी रविवारी चेपॉकमध्ये ‘Roar 2026’ हा फॅन इव्हेंट आयोजित केला. ही संध्याकाळ CSK चाहत्यांसाठी खास ठरली, कारण हजारोंच्या संख्येने उपस्थित असलेल्या प्रेक्षकांनी आपल्या आवडत्या खेळाडूंना जवळून पाहण्याचा आनंद घेतला. या कार्यक्रमात संघाचे माजी दिग्गजही सहभागी झाले होते आणि चाहत्यांना त्यांना अनेक वर्षांनंतर पुन्हा मैदानात फलंदाजी आणि गोलंदाजी करताना पाहायला मिळाले.
थालाला पाहून सीएसकेचे फॅन ढसाढसा रडले
मैदानात एमएस धोनी (MS Dhoni) उतरल्याबरोबर संपूर्ण स्टेडियम जल्लोषाने दुमदुमून गेले. धोनीची एक झलक पाहण्यासाठी चाहते अक्षरशः वेडे झाले होते. याच वेळी एक चाहती धोनीला प्रत्यक्ष पाहून आपल्या भावना आवरू शकली नाही आणि तिला अश्रू अनावर झाले. हा भावनिक क्षण सोशल मीडियावरही वेगाने व्हायरल झाला.
एमएस धोनीचा हा शेवटचा आयपीएल हंगाम?
दरम्यान, एमएस धोनीचा हा शेवटचा आयपीएल हंगाम ठरू शकतो, अशी चर्चा रंगू लागली आहे. 2020 मध्ये आंतरराष्ट्रीय क्रिकेटमधून निवृत्ती घेतल्यानंतर धोनी आता आपल्या कारकिर्दीच्या शेवटच्या टप्प्यात आहेत. भारताचा माजी खेळाडू रॉबिन उथप्पा यानेही आयपीएल 2026 हा धोनीचा अखेरचा हंगाम असू शकतो, असे मत व्यक्त केले आहे.
कर्णधारपदाबाबत बोलताना रॉबिन उथप्पा म्हणाला की, CSK ने कर्णधारपद ऋतुराज गायकवाड याच्याकडेच ठेवावे. संघात संजू सॅमसन सारखा खेळाडू असला तरी नेतृत्व गायकवाडलाच देणे योग्य ठरेल. विशेष म्हणजे CSK ने सॅमसनला राजस्थान रॉयल्सकडून ट्रेड केले असून, बदल्यात रवींद्र जडेजा आणि सॅम करन यांनी संघ सोडला आहे.
उथप्पा पुढे म्हणाला की, गायकवाड 2024 पासून संघाचे नेतृत्व करत आहे आणि हळूहळू तो धोनीच्या सावलीतून बाहेर पडत आहे. त्यामुळे त्याला अधिक वेळ आणि संधी देणे गरजेचे आहे.
या हंगामात धोनीची भूमिका थोडी वेगळी असू शकते. तो मेंटर-कम-खेळाडू म्हणून दिसू शकतो. तसेच फलंदाजी क्रमवारीत तो खाली, कदाचित 7 ऐवजी 8व्या क्रमांकावर उतरू शकतो. संघातील हस्तक्षेप कमी करून तो गायकवाडला मोकळेपणाने नेतृत्व करण्याची संधी देईल, असेही उथप्पाने स्पष्ट केले.
चेन्नई सुपर किंग्ज पूर्ण संघ – (IPL 2026 CSK पूर्ण संघ)
ऋतुराज गायकवाड (कर्णधार), आयुष म्हात्रे, एमएस धोनी, संजू सॅमसन, डेवाल्ड ब्रेविस, उर्विल पटेल, शिवम दुबे, जेमी ओव्हरटन, रामकृष्ण घोष, नूर अहमद, खलील अहमद, अंशुल कंबोज, गुर्जपनीत सिंग, श्रेयस गोपाल, मुकेश चौधरी, राष्ट्रीय प्रवीण चौधरी, वीरेंद्र चौधरी, वीरेंद्र चौधरी. ए.एस. कार्तिक शर्मा, मॅथ्यू शॉर्ट, अमन खान, सरफराज खान, मॅट हेन्री, राहुल चहर, जॅक फॉल्क्स.
हे ही वाचा –
आणखी वाचा
