Ashok Kharat Crime : ज्योतिषी, भविष्यवेत्ता, अंकशास्त्रज्ञ असल्याचे सांगत, अनेकींना फसवून त्यांचे लैंगिक शोषण केल्याचा आरोप असलेला भोदू अशोक खरात (Ashok Kharat) याच्या काळ्या कृत्याची यादी फारच मोठी असल्याचे दिसत आहे. महिलेवरील अत्याचाराच्या आरोपाखाली त्याला गेल्या आठवड्यात अटक करण्यात आली आणि खरातचे एकेक कारमाने बाहेर येऊ लागलेत. महिलांची फसवणूक व लैंगिक शोषण करणारा अशोक खरात याच्याविरोधात आता सरकारवाडा पोलीस ठाण्यात तिसरा गुन्हा दाखल झाला आहे. पीडितेने तदिलेल्या तक्रारीनुसार खरात हा तिला लग्नाचा आमिष दाखवत तिच्यासोबत शारिरीक संबंध प्रस्थापित करायचा. तिच्या संसारात वाद सुरू होते, त्यावेळी ती खरातकडे मार्गदर्शनासाठी गेली होती, तेव्हाच त्याने परिस्थितीचा गैरफायदा घेत पीडितेचे शोषण केलं असा आरोप फिर्यादीत करण्यात आला आहे.

महिलेला ओढलं जाळ्यात

मिळालेल्या माहितीनुसार, पीडत महिला ही विवाहीत होती, मात्र संसारात वाद सुरू होते, त्यामुळे त्याच दोषनिवारणासाठी ती खरातकडे गेली. वैयक्तिक अडचणींवर उपाय मिळावा यासाठी तिने खरातचं कार्यालय गाठलं. मात्र पीडितेच्या मनस्थितीचा, तिच्या परिस्थितीचा खआहेरातने गैरफायदा घेतला. “मी अवतारी पुरुष आहे, तू गेल्या जन्मीची अप्सरा, मला त्रिकाळ ज्ञान आहे”, असं भुलवत खरातने त्या महिलेला आपल्या जाळ्यात ओढलं, तिच्याशी लगट करण्यास सुरूवात केली. भविष्याबाबत भीती दाखवत आणि मनात आशा जागवत त्याने त्या महिलेचं लैंगिक शोषण केलं, असा गंभीर आरोपही लावण्यात आला आहे.

पीडिता राहिली गर्भवती

सर्वात धक्कादायक गोष्ट म्हणजे खरातने केलेल्या लैंगिक शोषणानंतर पीडित महिला गर्भवती देखील झाली. त्यानंतर आपलं पितळ उघड पडू नये म्हणून ,तिचा गर्भपात करण्यासाठी खरातने तिला आपल्याच कार्यालयात बोलावलं आणि तिला औषधही दिलं. तू माझ्याशी लग्न कर,मी तुला व तुझ्या मुलांना चांगल्या प्रकारे सांभाळेन, असं सांगत, भुलवत खरात हा सतत त्या महिलेला फसवत राहिला, 2027 साली लग्न करू असं आश्वासनही त्याने पीडित महिलेला दिलं, असा आकोप तक्रारीत करण्यात आला आहे. भोंदू बाबाचे एकेक घृणास्पद कारनामे उघड होत असून त्याच्याविरोधत अख्ख्या राज्यात संतापाचं वातावरण आहे.

खरातला चालणंही मुश्किल

दरम्यान भोंदूबाबा अशोक खरातवर जे आरोप आहेत, त्यांची  चौकशी विशेष तपास पथकाकडून (SIT) केली जात आहे. काल चौकशीचा तिसरा दिवस होता, तर आदल्या दिवशी शनिवारी (21 मार्च) त्याची तब्बल सात तास चौकशी झाली. त्यावेळी एसआयटी पथकाच्या प्रमुख तेजस्विनी सातपुते उपस्थित होत्या. या चौकशीत मालमत्ता, आर्थिक व्यवहार, जमीन खरेदी, महिलांशी संबंधित आरोप याविषयी खरातला प्रश्न विचारण्यात आले.  काल पुन्हा एकदा खरातची कसून चौकशी करण्यात आली. या चौकशीनंतर मात्र तो पुरता हतबल झाला होता, त्याच्यात जराही त्राण नव्हते, त्याला धड चालताही येत नव्हतं.