தமிழ்நாடு சட்டமன்ற தேர்தலில் அதிமுக கூட்டணியில் போட்டியிடும் பாஜகவிற்கு 27 தொகுதிகள் ஒதுக்கப்பட்டுள்ளன. சென்னை மற்றும் கோவை மாவட்டங்களில் தலா ஒரு தொகுதி மட்டுமே ஒதுக்கப்பட்டுள்ளது. மாநில தலைவரான நயினார் நாகேந்திரன் கடந்த முறை போட்டியிட்டு வென்ற திருநெல்வேலி தொகுதியும் பாஜகவிற்கு வழங்கப்படவில்லை. முருகப்பெருமானின் ஆறுபடை வீடுகளில் ஒன்றான திருச்செந்தூரைத் தவிர, இந்து மதத்திற்கான முக்கியத்துவம் வாய்ந்த கோயில்களை கொண்ட வேறு எந்தத் தொகுதியும் கூட பாஜகவுக்கு ஒதுக்கப்படவில்லை. கடந்த 2021 சட்டமன்ற தேர்தலில் பாஜக வென்ற 4 தொகுதிகளில், 2 தொகுதிகளில் மட்டுமே மீண்டும் வழங்கப்பட்டுள்ளன.
இந்நிலையில், பாஜக சார்பில் அறிவிக்கப்பட உள்ள வேட்பாளர்களின் உத்தேசவிவரங்கள் வெளியாகியுள்ளன.
மொடக்குறிச்சியில் கிருத்திகா சிவகுமார், திருப்பூர் தெற்கில் ஏ.பி.முருகானந்தம் போட்டியிட வாய்ப்பு.
தளி தொகுதியில் பாஜக மாநில செயலாளர் மண்டு அமர்பிரசாத் ரெட்டி போட்டியிட உள்ளதாக தகவல்
