சென்னை அண்ணா பல்கலைக்கழகத்தில் பயிலும் மாணவி ஒருவருக்குத் தொடர் பாலியல் தொல்லை கொடுத்து வந்த புகாரில், பேராசிரியர் ஞானவேல்பாபுவை காவல்துறையினர் இன்று கைது செய்துள்ளனர். இந்தச் சம்பவம் உயர்கல்வி வட்டாரத்தில் பெரும் பரபரப்பை ஏற்படுத்தியுள்ளது.

புகாரும் பின்னணியும்:

பாதிக்கப்பட்ட மாணவி நேற்று சென்னை மாநகரக் காவல் ஆணையர் அலுவலகத்தில் நேரில் ஆஜராகி புகார் மனு ஒன்றை அளித்திருந்தார். அதில், பேராசிரியர் ஞானவேல்பாபு தனக்கு நீண்ட நாட்களாகப் பாலியல் ரீதியான மன உளைச்சலைத் தந்து வருவதாகவும், அநாகரிகமான குறுஞ்செய்திகளைத் தனது அலைபேசிக்கு அனுப்பித் தொந்தரவு செய்ததாகவும் குறிப்பிட்டிருந்தார்.

நடவடிக்கை பாய்ந்தது:

பணியிடை நீக்கம்: மாணவியின் புகார் தீவிரமானதாக இருந்ததால், அண்ணா பல்கலைக்கழக நிர்வாகம் இன்று காலையிலேயே பேராசிரியர் ஞானவேல்பாபுவைப் பணியிடை நீக்கம் (Suspension) செய்து உத்தரவிட்டது. மேலும், அவர் மீது துறைரீதியான விசாரணைக்கும் உத்தரவிடப்பட்டுள்ளது.

அதிரடி கைது: கோட்டூர்புரம் போலீசார் அவர் மீது இரண்டு பிரிவுகளின் கீழ் வழக்குப் பதிவு செய்தனர். இதனிடையே, பேராசிரியர் தலைமறைவானதைத் தொடர்ந்து தனிப்படை அமைக்கப்பட்டது. இன்று மதியம் நெல்லையில் பதுங்கியிருந்த அவரைப் போலீசார் அதிரடியாகக் கைது செய்தனர்.

விசாரணை:

கைது செய்யப்பட்ட ஞானவேல்பாபு தற்போது நெல்லையிலிருந்து சென்னைக்கு அழைத்து வரப்பட்டு வருகிறார். முதற்கட்ட விசாரணையில் மாணவியின் புகாரில் முகாந்திரம் இருப்பது உறுதியானதாலேயே இந்தக் கைது நடவடிக்கை எடுக்கப்பட்டுள்ளதாகக் காவல்துறையினர் தெரிவித்துள்ளனர். சென்னையில் அவரிடம் மேலும் தீவிர விசாரணை நடத்தப்பட உள்ளது.:

அண்ணா பல்கலைக்கழகத்தில் ஏற்கனவே ஒரு சம்பவம் நடந்து, அதில் திமுக ஆதரவாளர் (அனுதாபி) ஞானசேகரன் சிறையில் இருக்கும் நிலையில், தற்போது ஞானவேல்பாபு கைது செய்யப்பட்டிருப்பது பல்கலைக்கழக நிர்வாகத்தின் மீதான நம்பகத்தன்மையைக் கேள்விக்குறியாக்கியுள்ளது.

மாணவிகளின் பாதுகாப்பை உறுதி செய்யக் கடுமையான விதிகள் நடைமுறைப்படுத்தப்பட வேண்டும் எனப் பெற்றோர்கள் மற்றும் சமூக ஆர்வலர்கள் கோரிக்கை விடுத்துள்ளனர்.