मुंबई : जगातील लोकप्रिय मेसेजिंग अॅप WhatsApp ने आपल्या यूजर्ससाठी एक मोठे अपडेट आणले आहे. AI Writing Help या नव्या फीचरमुळे आता चॅटिंगचा अनुभवच बदलणार आहे. यूजर्स आता AI च्या मदतीने मेसेज लिहू शकणार, त्यात सुधारणा करू शकणार आणि अधिक प्रभावीपणे संवाद साधू शकणार आहेत. विशेषतः व्यावसायिक आणि महत्त्वाच्या संवादांसाठी हे फीचर गेमचेंजर ठरणार असल्याचं मानलं जात आहे.
WhatsApp ने याआधीही AI आधारित सुविधा दिल्या होत्या, मात्र आता या फीचरमध्ये मोठा अपग्रेड करण्यात आला आहे. यामुळे फक्त मेसेज दुरुस्तीच नाही तर संपूर्ण चॅटचा संदर्भ लक्षात घेऊन AI स्वतः रिप्लाय सूचवणार आहे. त्यामुळे यूजर्सना योग्य शब्द निवडणं आणि नेमकं उत्तर देणं अधिक सोपं होणार आहे.
या फीचरच्या मदतीने AI तुमच्या आधीच्या चॅटचा अभ्यास करून योग्य रिप्लाय सुचवतं. तसेच तुमचा मेसेज अधिक स्पष्ट, नम्र किंवा प्रोफेशनल बनवण्यासाठी शब्दांमध्ये सुधारणा करण्याचे पर्यायही देते. त्यामुळे संवाद अधिक प्रभावी आणि अचूक होतो.
सुरुवातीला हे फीचर मर्यादित देशांमध्ये उपलब्ध होतं. मात्र आता WhatsApp कडून हे फीचर टप्प्याटप्प्याने सर्व यूजर्ससाठी सुरू केलं जाणार असल्याचं स्पष्ट करण्यात आलं आहे. कंपनीनं यूजर्सच्या प्रायव्हसीचं पूर्ण संरक्षण केलं जाईल, असंही सांगितलं आहे.
हे फीचर वापरणं अगदी सोपं आहे. कोणतीही चॅट उघडून टेक्स्ट बॉक्सवर टॅप करा, त्यानंतर स्टिकर सेक्शनमध्ये जाऊन AI आयकॉन निवडा. यानंतर AI तुमच्यासाठी मेसेज लिहिण्यास किंवा सुधारण्यासाठी तयार असेल.
दररोजच्या गप्पांसाठी लोक नैसर्गिक भाषा वापरतात. मात्र ऑफिसमधील संवाद, ईमेलसारखे मेसेज किंवा औपचारिक संभाषणासाठी हे AI फीचर खूप उपयोगी ठरणार आहे. यामुळे योग्य टोन आणि शब्द वापरून संवाद साधणं सोपं होईल.
या अपडेटसोबत WhatsApp ने स्टोरेज मॅनेजमेंटही सोपं केलं आहे. आता मोठ्या फाईल्स सहज ओळखून डिलीट करता येणार आहेत. तसेच नवीन स्टिकर सजेशन फीचरमुळे तुम्ही इमोजी टाइप केल्यावर संबंधित स्टिकर आपोआप सुचवले जातील.
ही बातमी वाचा:
