தங்கத்தின் விலை நேற்று ஒரே நாளில் இருமுறை மாற்றம் கண்டு, சவரனுக்கு 2,400 ரூபாய் குறைந்தது. இந்த நிலையில் இன்று தங்கத்தின் விலை சவரனுக்கு 800 ரூபாய் விலை உயர்ந்துள்ளது. தங்கம் மற்றும் வெள்ளியின் இன்றைய விலை நிலவரத்தை இப்போது பார்க்கலாம்.

இன்று விலை உயர்ந்த தங்கம்

தங்கத்தின் விலை இந்த வாரத்தின் முதல் நாளான 30-ம் தேதி காலையில், தங்கத்தின் விலை குறைந்தது. அதன்படி, கிராமிற்கு 60 ரூபாய் குறைந்து ஒரு கிராம் 13,600 ரூபாய்க்கும், சவரனுக்கு 480 ரூபாய் குறைந்து 1,08,800 ரூபாய்க்கும் விற்பனை செய்யப்பட்டது. ஆனால், மாலையில் சவரனுக்கு 1,360 ரூபாய் உயர்ந்து அதிர்ச்சி கொடுத்தது. அதன்படி, கிராமிற்கு 170 ரூபாய் விலை உயர்ந்து, ஒரு கிராம் 13,770 ரூபாய்க்கும், ஒரு சவரன் 1,10,160 ரூபாய்க்கும் விற்பனை செய்யப்பட்டது.

இந்த சூழலில் 31-ம் தேதி காலையிலேயே தங்கத்தின் விலை சவரனுக்கு 800 ரூபாய் குறைந்தது. அதன்படி, கிராமிற்கு 100 ரூபாய் குறைந்து, ஒரு கிராம் 13,670 ரூபாய்க்கும், ஒரு சவரன் 1,09,360 ரூபாய்க்கும் விற்பனை செய்யப்பட்டது.

பின்னர், ஏப்ரல் 1-ம் தேதி தங்கத்தின் விலை அதிரடியாக உயர்ந்து அதிர்ச்சி கொடுத்தது. அதன்படி, தங்கத்தின் விலை கிராமிற்கு 380 ரூபாய் உயர்ந்து, ஒரு கிராம் 14,050 ரூபாய்க்கும், சவரனுக்கு 3,040 ரூபாய் உயர்ந்து, ஒரு சவரன் 1,12,400 ரூபாய்க்கும் விற்பனை செய்யப்பட்டது.

இந்த சூழலில் நேற்று காலை தங்கத்தின் விலை குறைந்தது. அதன்படி, சவரனுக்கு 800 ரூபாய் குறைந்து, ஒரு சவரன் 1,11,600 ரூபாய்க்கும், கிராமிற்கு 100 ரூபாய் விலை குறைந்து, ஒரு கிராம் 13,950 ரூபாய்க்கும் விற்பனை செய்யப்பட்டது.

இந்நிலையில், மாலையில் மேலும் 1,600 குறைந்தது. இதன் மூலம் ஒரே நாளில் 2,400 ரூபாய் குறைந்து ஒரு சவரன் 1,10,000 ரூபாய்க்கு விற்பனை செய்யப்பட்டது. அதன்படி ஒரு கிராம் 300 ரூபாய் குறைந்து, கிராம் 13,750 ரூபாய்க்கு விற்பனை செய்யப்பட்டது. இந்த சூழலில், இன்று தங்கத்தின் விலை உயர்ந்துள்ளது.

தங்கத்தின் இன்றைய விலை என்ன.?

அதன்படி, தங்கத்தின் விலை இன்று சவனுக்கு 800 ரூபாய் உயர்ந்து, ஒரு சவரன் 1,10,800 ரூபாய்க்கும், ஒரு கிராம் 100 ரூபாய் விலை உயர்நது, கிராம் 13,850 ரூபாய்க்கும் விற்பனை செய்யப்படுகிறது.

வெள்ளி விலையில் மாற்றமில்லை

வெள்ளியின் விலை இந்த வாரத்தின் தொடக்கத்தில், அதாவது 30-ம் தேதி காலையிலும் மாற்றமின்றி கிராம் 250 ரூபாய் என்ற விலையிலேயே நீடித்தது. ஆனால், மாலையில் கிராமிற்கு 5 ரூபாய் விலை உயர்ந்து, ஒரு கிராம் வெள்ளி 255 ரூபாய்க்கு விற்பனை செய்யப்பட்டது.

இந்த நிலையில், 31-ம் தேதி காலையிலேயே கிராமிற்கு 5 ரூபாய் குறைந்து, ஒரு கிராம் 250 ரூபாய்க்கு விற்பனையானது. இந்த சூழலில், ஏப்ரல் 1-ம் தேதி வெள்ளியின் விலை கிராமிற்கு 15 ரூபாய் உயர்ந்து, ஒரு கிராம் 265 ரூபாய்க்கு விற்கப்பட்டது. 

இந்த சூழலில், நேற்று வெள்ளியின் விலை கிராமிற்கு 10 ரூபாய் குறைந்து, ஒரு கிராம் 255 ரூபாய்க்கு விற்பனை செய்யப்பட்டது. இந்நிலையில், இன்று வெள்ளியின் விலையில் எந்த மாற்றமும் இன்றி கிராம் அதே 255 ரூபாய்க்கு விற்பனை செய்யப்படுகிறது.