राजस्थान रॉयल्सने गुजरात टायटन्स विरुद्ध 6 धावांनी थरारक विजय मिळवला. गुजरातचा हा 19 व्या मोसमातील सलग दुसरा विजय ठरला. राजस्थानने या विजयासह पॉइंट्स टेबलमध्ये कमाल केली आहे. राजस्थानने पुन्हा एकदा पॉइंट्स टेबलमध्ये पहिलं स्थान पटकावलं आहे. ताज्या आकडेवारीनुसार, राजस्थान आणि दिल्ली कॅपिट्स अजिंक्य आहेत. राजस्थान आणि दिल्लीने 2 पैकी 2 सामने जिंकले आहेत. मात्र दिल्लीच्या तुलनेत राजस्थानचा नेट रनरेट हा चांगला आहे. त्यामुळे दिल्ली समसमान गुण असूनही दुसऱ्या स्थानी विराजमान आहे.
शेवटच्या षटकात सामना निकालीगुजरात विरुद्ध राजस्थान यांच्यातील सामना हा अहमदाबादमधील नरेंद्र मोदी स्टेडियममध्ये खेळवण्यात आला. राजस्थानच्या या विजयाचा तुषार देशपांडे यहा हिरो ठरला. गुजरातला विजयासाठी शेवटच्या ओव्हरमध्ये 10 धावांची गरज होती. तर गुजरातकडून राशिद खान बॅटिंग करत होता. मात्र राशिदसमोर तुषारने अचूक बॉलिंग केली. तुषारने टाकलेल्या या भेदक 6 चेंडूत गुजरातला 4 धावाच करता आल्या. राजस्थानने अशाप्रकारे हा सामना 6 धावांनी जिंकला. राजस्थानचा हा सलग दुसरा विजय ठरला.
टॉप 3 मध्ये अजिंक्य संघराजस्थानने गुजरातला पराभूत करुन 19 व्या मोसमात सलग 2 सामने जिंकणारी तिसरी टीम ठरली. राजस्थान व्यतिरिक्त दिल्ली कॅपिट्ल्स आणि पंजाब किंग्स या दोन्ही संघांनी आपले पहिल्या 2 सामन्यांत विजय मिळवला आहे. मात्र नेट रनरेटमुळे राजस्थान पहिल्या, दिल्ली दुसऱ्या आणि पंजाब किंग्स तिसऱ्या स्थानी आहे.
चौथ्या, पाचव्या आणि सहाव्या स्थानी असलेल्या संघांनी किमान 1 सामना जिंकलाय. आरसीबीने विजयी सलामी दिलीय. आरसीबी पॉइंट्स टेबलमध्ये चौथ्या स्थानी आहे. पाचव्या आणि सहाव्या स्थानी सनरायजर्स हैदराबाद आणि मुंबई इंडियन्स विराजमान आहे. हैदराबादची 19 व्या पर्वात पराभवाने सुरुवात झाली. मात्र हैदराबादने दुसऱ्या सामन्यात पलटवार करत विजय मिळवला. तर मुंबईने 2012 नंतर यंदा पहिल्यांदाच आपल्या मोहिमेची सुरवात विजयाने केली.
गुजरात तिसरी टीमगुजरातचा राजस्थान विरुद्धचा सामना हा या स्पर्धेतील दुसरा पराभव ठरला. गुजरात या मोसमात सलग 2 सामने गमावणी तिसरी टीम ठरली. गुजरात व्यतिरिक्त, कोलकाता नाईट रायडर्स आणि चेन्नई सुपर किंग्सनेही सलग 2 सामने गमावलेत. तर लखनौ सुपर जायंट्सही विजयाचं खातं उघडण्यात अपयशी ठरलीय.
