आयपीएलच्या 19 व्या मोसमात (IPL 2026) 4 आणि 5 एप्रिलला सलग 2 दिवस डबल हेडरचा थरार पार पडला. पहिल्या डबल हेडरमध्ये दिल्ली कॅपिट्ल्सने मुंबई इंडियन्सला तर राजस्थान रॉयल्सने गुजरात टायटन्सला पराभूत केलं. तसेच रविवारी लखनौने हैदराबादला तर बंगळुरुने चेन्नईवर मात केली. आता सोमवारपासून पुन्हा एकदा दररोज 1 सामना होणार आहे. सोमवारी कोलकाता नाईट रायडर्स विरुद्ध पंजाब किंग्स यांच्यात सामना होणार आहे. दोन्ही संघांचा हा या मोसमातील तिसरा सामना असणार आहे. केकेआरचा घरच्या मैदानात मोसमातील पहिला विजय मिळवण्याचा प्रयत्न असणार आहे. तर पंजाब आपली विजयी घोडदौड कायम राखण्यासाठी मैदानात उतरणार आहे. या सामन्याबाबत काही महत्त्वाच्या गोष्टी आपण जाणून घेऊयात.
कोलकाता नाईट रायडर्स विरुद्ध पंजाब किंग्स सामना सोमवारी 6 एप्रिलला होणार आहे.
कोलकाता नाईट रायडर्स विरुद्ध पंजाब किंग्स सामना ऐतिहासिक इडन गार्डन्समध्ये होणार आहे.
कोलकाता नाईट रायडर्स विरुद्ध पंजाब किंग्स सामन्याला संध्याकाळी 7 वाजून 30 मिनिटांनी सुरुवात होईल. तर 7 वाजता टॉस होणार आहे.
कोलकाता नाईट रायडर्स विरुद्ध पंजाब किंग्स सामना टीव्हीवर स्टार स्पोर्ट्स नेटवर्कवरील चॅनेल्सवर लाईव्ह पाहायला मिळेल.
कोलकाता नाईट रायडर्स विरुद्ध पंजाब किंग्स सामना मोबाईलवर जिओहॉटस्टार एपद्वारे लाईव्ह पाहायला मिळेल.
केकेआर आणि पंजाब या सामन्यानिमित्ताने 2 मुंबईकर सहकारी एकमेकांविरुद्ध भिडणार आहेत. अजिंक्य रहाणे केकेआरचं नेतृत्व करणार आहे. श्रेयस अय्यर याच्याकडे पंजाबच्या नेतृत्वाची धुरा असणार आहे. श्रेयस आणि अजिंक्य देशांतर्गत क्रिकेटमध्ये मुंबईचं प्रतिनिधित्व करतात. दोघेही अनेक वर्ष एकत्र खेळले आहेत. त्यामुळे दोघांना एकमेकांची जमेची आणि पडती बाजू माहिती आहे.त्यामुळे सोमवारी कोणता संघ यशस्वी ठरतो याकडे क्रिकेट चाहत्यांचं लक्ष असणार आहे.
