Share Market Closing : सुरुवातीच्या घसरणीनंतर तेजी, सेन्सेक्स 787 अंकांनी उसळला
ET Marathi April 06, 2026 08:45 PM
मुंबई : सोमवारी भारतीय शेअर बाजारात चढ-उतार सुरूच होता. दुपारच्या सत्रात, भारतीय शेअर बाजाराने सकाळची सर्व घसरण भरून काढली आणि मोठी उसळी घेतली. पाकिस्तानच्या मध्यस्थीने इराण आणि अमेरिका यांच्यात झालेल्या शस्त्रसंधी कराराच्या बातमीनंतर ही तेजी दिसून आली.
सलग तिसऱ्या सत्रात तेजी नोंदवत सेन्सेक्स ७८७ अंकांनी वधारून ७४,१०६.८५ अंकांवर बंद झाला, तर निफ्टी ५० २५५ अंकांनी वाढून २२,९६८.२५ अंकांवर बंद झाला.
तेल आणि वायू क्षेत्र वगळता इतर सर्व क्षेत्रीय निर्देशांक आज वाढीसह बंद झाले. बँकिंग आणि वित्तीय क्षेत्रातील शेअर्समध्ये सर्वाधिक वाढ दिसून आली. मिडकॅप आणि स्मॉलकॅप निर्देशांक देखील १% पेक्षा जास्त वाढीसह बंद झाले.
बाजारातील तेजीमुळे गुंतवणूकदारांना एकाच सत्रात ५ लाख कोटी रुपयांचा फायदा झाला. बीएसई सूचीबद्ध कंपन्यांचे एकूण बाजार भांडवल मागील सत्रातील ४२२ लाख कोटी रुपयांवरून ४२७ लाख कोटी रुपयांच्या वर पोहोचले.
सेन्सेक्समधील ३० पैकी २७ आज वाढीसह बंद झाले. यापैकी ट्रेंटच्या शेअर्समध्ये ७.८९% ची सर्वाधिक वाढ दिसून आली. यानंतर, ॲक्सिस बँक, टायटन, लार्सन अँड टुब्रो (L&T) आणि अल्ट्राटेक सिमेंटचे शेअर्स ३.०६% ते ३.९४% पर्यंतच्या वाढीसह बंद झाले.
सेन्सेक्समधील उर्वरित तीन शेअर्स घसरणीसह बंद झाले. . एचसीएल टेक आणि सन फार्मा ०.०३% ते ०.२०% दरम्यान घसरले.
आज बॉम्बे स्टॉक एक्सचेंजवर (BSE) वाढीसह बंद झालेल्या शेअर्सची संख्या जास्त होती. एक्सचेंजवर एकूण ४,५४४ शेअर्सचा व्यवहार झाला. यापैकी ३,२०२ शेअर्स वाढीसह बंद झाले, तर १,१५३ शेअर्स घसरले. तर १८९ शेअर्स कोणत्याही चढ-उताराशिवाय स्थिर बंद झाले.
