OTT Crime Theiller: ओटीटीवर आल्यानंतर अनेक चित्रपट पुन्हा चर्चेत येतात, पण काही चित्रपट असे असतात की ते येताच धुमाकूळ घालतात. सध्या अशाच एका क्राइम थ्रिलर (Crime thriller) चित्रपटाची जोरदार चर्चा सुरू आहे. थिएटरमध्ये प्रदर्शित झाल्यानंतर आता ओटीटीवर दाखल झालेल्या या चित्रपटाने प्रेक्षकांची मनं जिंकली असून ट्रेंडिंगमध्येही (OTT Trending)अव्वल स्थान पटकावलं आहे. क्राईम थ्रिलर जर आवडत असतील तर हा चित्रपट तुमच्या वॉच लिस्टमध्ये हसायलाच हवा. जेलमध्ये एका कैद्याचा खून होतो आणि हळूहळू मंद आचेवर या कथानकाचा सस्पेन्स तुम्हाला खिळवून ठेवतो. हा चित्रपट बघताना एखाद्या साउथ सस्पेन्स थ्रिलरचा फील येतो.
आपण ज्या चित्रपटाबद्दल बोलत आहोत तो म्हणजे वध 2 (Vadh2). 6 फेब्रुवारी रोजी थिएटरमध्ये रिलीज झाल्यानंतर या चित्रपटाने ओटीटी प्लॅटफॉर्म Netflix वर एंट्री केली आणि इथेही प्रेक्षकांकडून तुफान प्रतिसाद मिळवला. 2 तास 8 मिनिटांच्या या चित्रपटाला IMDb वरही दमदार रेटिंग मिळाली आहे.
वध 2 हा एक स्वतंत्र सिक्वेल आहे. या चित्रपटात संजय मिश्रा आणि नीना गुप्ता मुख्य भूमिकेत आहेत. चित्रपटाची कथा मध्य प्रदेशातील एका तुरुंगाभोवती फिरते. निवृत्तीच्या उंबरठ्यावर असलेला एक थकलेला जेल गार्ड (संजय मिश्रा) आणि एक महिला कैदी (नीना गुप्ता) यांच्या आयुष्याभोवती ही कथा गुंफली आहे. एका धोकादायक कैद्याच्या अचानक गायब होण्याच्या तपासादरम्यान दोघांमध्ये एक वेगळं, नाजूक नातं तयार होतं. तणाव, गूढता आणि भावनिक छटा यांचा उत्तमपणे दाखवलेला हा चित्रपट प्रेक्षकांना खिळवून ठेवतो. जसपाल सिंह संधू यांनी दिग्दर्शित केलेला हा चित्रपट 2022 मधील ‘वध’चा स्पिरिच्युअल सिक्वेल आहे.
Dhurandhar 2: 'धुरंधर 2' चा जगभरात डंका, 19 व्या दिवशीही घौडदौड सुरुच; आता 'पुष्पा 2'ला मागे टाकणार?
