Salman Khan supports Rajpal Yadav: चमचमत्या कलाकारांच्या उपस्थितीत स्क्रीन अवॉर्ड्स 2026 हा शो अगदी दिमाखात पार पडला. या शोमध्ये अनेक दिग्गज कलाकार उपस्थित होते. सध्या या शोमधील एक क्लिप सोशल मीडियात प्रचंड प्रमाणात व्हायरल होत आहे. या व्हिडीओत आपण पाहू शकतो की कार्यक्रमातील सूत्रसंचालक, अभिनेता राजपाल (Rajpal yadav) यादवला त्याच्या चेक बाऊन्स प्रकरणावरुन टोचून बोलत आहे. हे ऐकून राजपाल यादव शांत होतो. या प्रकरणाची क्लिप सध्या सोशल मीडियात व्हायरल होत आहे. नेटकऱ्यांनीही या प्रकरणावर प्रतिक्रिया दिली आहे. दरम्यान, आता या घटनेवर सुपरस्टार सलमान खानने (Salman Khan) तीव्र शब्दांत प्रतिक्रिया दिली आहे. तसेच राजपाल यादवला आपला पाठिंबा दर्शवला आहे.
बॉलिवूडचे सुपरस्टार सलमान खान राजपाल यादवच्या समर्थनार्थ पुढे आला आहे. सलमान खानने आपल्या एक्स अकाऊंटमध्ये या संदर्भात एक पोस्ट शेअर केली होती. या पोस्टमधून सलमाननं राजपाल पाठिंबा दर्शवला आहे. तसेच कानही टोचले आहेत. भाईजानने आपल्या पोस्टमध्ये म्हटलं की, 'भाऊ आपण या इंडस्ट्रीत 30 वर्षांपासून काम करत आहात. सर्वांनी तुम्हाला पाहिलं आहे, संधी दिली आहे. कारण तुम्हाला तुमचे काम माहित आहे. त्यातून तुम्ही एक मुल्य वाढवता. तुम्हाला पुढे खूप काम मिळत राहिल. डॉलर रेटवर काम मिळत राहिल', असं सलमान खानने आपल्या पोस्टमध्ये म्हटलं आहे.
'आणखी एक गोष्ट लक्षात ठेवा.. कधी कधी काही गोष्टी फ्लोमध्ये होतात. काही गोष्टी बोलल्या जातात. जर तुम्हाला काही द्यायचे असेल, तर ते लक्षात ठेवा आणि मनापासून काम करा. डॉलरचा भाव वाढो वा कमी होवो, त्याने काही फरक पडत नाही. शेवटी द्यायचं तर भारतातच आहे', असंही आपल्या पोस्टमध्ये सलमान खान म्हणाला आहे. सध्या सलमान खानच्या पोस्टवर नेटकऱ्यांनी कमेंट करुन त्याचं कौतुक केलं आहे.
.@BeingSalmanKhan Bhai, mere 30 saal ke safar ko sarahne ke liye bahut-bahut shukriya. Aap hamesha ek bade bhai ki tarah raasta dikhate aaye hain. Love you, Bhai, Naman! 😇🙏 https://t.co/ayiRTMVwlj
— Rajpal Naurang Yadav (@rajpalofficial) April 7, 2026
सलमान खानची पोस्ट शेअर करून राजपाल यादवने आभार व्यक्त केले आहेत. 'माझ्या 30 वर्षांच्या कारकिर्दीची दखल घेतल्याबद्दल तुमचे खूप आभार. तुम्ही कायम मला मोठ्या भावाप्रमाणे वाट दाखवत आला आहात. लव्ह यू भाई...', असं म्हणत राजपाल यादव सलमान खानचे आभार व्यक्त करतो.
राजपाल यादवचा एक व्हिडीओ सध्या सोशल मीडियात व्हायरल होत आहे. या व्हिडीओत राजपाल एका इव्हेंटमध्ये म्हणतो, 'सध्या युद्ध सुरू आहे. नक्की काय, कुठे सुरुये....रुपये, डॉलर सगळं काही वर - खाली होत आहे. काहीच कळत नाहीये...' यानंतर कार्यक्रमाचे सुत्रसंचालक सौरभ द्विवेदी म्हणतो, 'राजपाल भाई डॉलर - रुपये कितीही वर - खाली झाले तरी, तुमचे जितकी पैसे उधार बाकी आहेत, तितकेच तुम्हाला परत करावे लागतील..'
यानंतर राजपाल यादव हसतो आणि म्हणतो, 'मसला क्या है... ते तरी एकदा ऐका,.. ' यानंतर दोघांमध्ये सुरु असलेल्या चर्चेमध्ये जाकीर खान उडी घेतो, 'माझ्या मते हे प्रकरण आता न्यायालयात सुरू आहे. हे प्रकरण इथेच थांबवूयात', असं म्हणतो. याचा व्हिडीओ सोशल मीडियात व्हायरल होत आहे.
अभिनेता राजपाल यादव काही महिन्यांपूर्वी एका मोठ्या कचाट्यात सापडला होता. 9 कोटी रुपयांच्या चेक बाऊन्स प्रकरणात तो पुरता फसला होता. या कारणामुळे त्याला तिहाड जेलमध्येही जावं लागलं. या प्रकरणावरुन तो प्रचंड चर्चेत आला होता. या प्रकरणाचा थेट परिणाम त्याच्या करिअरवरही झाला. दरम्यान, या प्रकरणानंतर सलमान खानने राजपालला आर्थिक तसेच वैयक्तिक मदत केली होती.
महत्त्वाच्या इतर बातम्या:
