பிரதீப் ரங்கநாதன் , கீர்த்தி ஷெட்டி நடிப்பில் வருகிற 10ம் தேதி வெளியாக உள்ள படம் லவ் இன்சூரன்ஸ் கம்பெனி. நீண்ட இடைவெளிக்கு பிறகு விக்னேஷ் சிவன் இப்படத்தை இயக்கியுள்ளார். அனிருத் இசையமைத்த இப்படத்தின் இரு பாடல்கள் ஏற்கெனவே யூடியூப்பில் வெளியாகி நல்ல வரவேற்பை பெற்றது.

இந்த நிலையில் லவ் இன்சூரன்ஸ் கம்பெனி படத்தின் இசை வெளியீட்டு விழா சென்னை ஆவடியில் உள்ள வேல்ஸ் யூனிவர்சிட்டி கல்லூரியில் இன்று நடைபெற்றது. விழாவில் இயக்குனர் ராம், மிஷ்கின், ஆர்,ஜே. பாலாஜி உள்பட பல பிரபலங்கள் கலந்துகொண்டனர்.

விழாவில் கலந்துகொண்ட அர்.ஜே.பாலாஜி பேசுகையில் , மிஸ்கின் சார் வணக்கம். நான்தான் ஆர்.ஜே.பாலாஜி. ஏதோ குத்துமதிப்பா ஒரு வணக்கம் வச்சிட்டீங்க. நான் தமிழ் படத்துல எல்லாம் நடிச்சிருக்கேன். எப்படியும் நான் நடிச்ச படங்கள் எல்லாம் பார்த்திருக்க மாட்டீங்க. நீங்க வந்து சொல்லுவீங்க டேய் பாலாஜி உன் படங்கள் எல்லாம் நான் பார்த்தது இல்லடானு என்று மேடையில் மிஷ்கினை கிண்டலாக கூறினார். அதற்கு மிஷ்கின் இல்லை நான் பார்த்திருக்கிறேன் என்று கூறி முத்தங்களை பறக்கவிட்டார்.