पुण्यातील खेड परिसरात एका आईने आपल्या प्रियकरासोबत मिळून ६ वर्षांच्या मुलाची हत्या केली. हृदयविकाराच्या झटक्याने मृत्यू झाल्याचे भासवण्याचा प्रयत्न करण्यात आला, पण शवविच्छेदनात सत्य समोर आले.
मिळालेल्या माहितीनुसार पुणे जिल्ह्यातील खेड परिसरात भयांकर घटना घडली आहे. आईने मुलाची हत्या केली असून हत्येनंतर, आईने पुरावा नष्ट करण्यासाठी मुलाचा मृतदेह माहेरी (बीड) नेला आणि मृत्यू हृदयविकाराच्या झटक्याने झाल्याचे भासवण्याचा प्रयत्न केला.
माहिती समोर आली आहे की, ४ एप्रिलच्या रात्री आरोपी आईने आपल्या प्रियकरासोबत मिळून मुलाची हत्या केली. त्यांनी बाथरूममधील पाण्याच्या बादलीत त्याचे डोके बुडवले आणि नंतर निर्घृणपणे ते जमिनीवर आपटले. हत्येनंतर, त्या जोडप्याने हा नैसर्गिक मृत्यू असल्याचे भासवण्याचा कट रचला.
ALSO READ: Ashok Kharat case एसआयटीचे समन्स बजावूनही रूपाली चाकणकर हजर नाहीत, बहिणीला नोटीस
मात्र, मुलाच्या आजोबांना संशय आला आणि त्यांनी परळी पोलिसांत तक्रार दाखल केली. शवविच्छेदन अहवालातून सत्य समोर आले. ही घटना खेड तालुक्यातील कुरळी गावात घडली. पोलिसांनी आरोपी आईला अटक केली असून, तिचा प्रियकर फरार आहे.
Edited By- Dhanashri Naik
ALSO READ: नाशिकचा भोंदू बाबा अशोक खरातची घृणास्पद कृत्ये १६० जीबी डेटामध्ये कैद, एसआयटीला फॉरेन्सिक अहवाल सादर
