पाकिस्तानात स्थिती नक्की काय आहे हे जगापासून वाचू शकले नाही. पाकिस्तानची मोठी वाट लागली आहे. फक्त जगापुढे दिखावा दाखवला जात आहे. देश चालवण्याकरिताही त्यांच्याकडे पैसा उरला नाही. पण दुसऱ्या देशांमधील युद्ध थांबवण्याकरिता करोडो रूपये उडवली जात आहेत. एखाद्या देशाने दिलेले कर्ज परत मागितले तर दुसर्‍या देशाकडे भिकेचा कटोरा घेऊन पाकिस्तान जात आहे. युएईने पाकिस्तानला दिलेले कर्ज परत मागितले आहे. हेच नाही तर हा पैसा लवकर दिला नाही तर वाईट परिणामांना सामोरे जावे लागेल, असा थेट इशाराच दिला. युएईच्या धमकीनंतर पाकिस्तानचे प्रधानमंत्री शहबाज शरीफ आणि फील्ड मार्शल आसिम मुनीर भिकेचा कटोरा घेत या देशातून त्या देशात जात आहेत. त्यांनी सुरूवातीला युएईसोबत चर्चा करण्याचा प्रयत्न केला. मात्र, युएई दाद देत नसल्याचे लक्षात येताच पाकिस्तानने आपला मोर्चा इतरत्र वळवला.

पाकिस्तानचे पीएम शहबाज शरीफ कतार, सऊदी अरेबिया, तुर्कीकडे कर्ज मागण्यासाठी निघाले आहेत. पाकिस्तान सध्याच्या घडीला इराण आणि अमेरिका यांच्यातील युद्ध थांबवण्याकरिता प्रयत्न करत आहे. युद्ध थांबवल्यानंतर आपल्याला इराण आणि अमेरिका कर्ज देईल, अशी अपेक्षा पाकिस्तानला आहे. त्याकरिताच पाकिस्तानची मरमर सुरू आहे.

IMF सारख्या वर्ल्ड बॅंकेकडून कर्ज मिळण्याची अपेक्षा त्यांना आहे. कतार, सऊदी आणि तुर्कीला पाकिस्तानने अगोदरच कर्ज मागितले आहे. पण एकही देश त्यांच्या मदतीकरिता पुढे येताना दिसत नाहीये. कोणत्याही स्थितीत शहबाज शरीफ यांना पैसा हवा आहे. सऊदीने पाकिस्तानला स्पष्ट शब्दात सांगितले की, 3 अरब डॉलर अतिरिक्त ते मदत करू शकतात, त्यापेक्षा जास्त नाही. पाकिस्तानच्या डोक्यावरील कर्जाचा डोंगर वाढत आहे.

पाकिस्तानने युएईला कर्ज फेड करण्याकरिता मुदत मागितली होती, पण युएईने स्पष्ट शब्दात नकार दिला. पाकिस्तानने आता चीनकडेही भीक मागण्यास सुरूवात केली. पण चीनने पाकिस्तानला कोणत्याही प्रकारची दाद दिली नाही. चीनने मदत नाकारली असली तरीही सऊदी पाकिस्तानला कर्ज देत आहे. पाकिस्तानला चीनने मदत नाकारल्याने त्यांना मोठा धक्का बसला. पाकिस्तानकडे सध्या 16 अरब डॉलर आहेत. मात्र, ते खर्च करू शकत नाहीत. याचे मोठे कारण IMF च्या अटीमुळे.