इराण आणि अमेरिका यांच्यातील युद्धात इराणचे मोठे नुकसान झाले आहे, मात्र आता या युद्धाचा परिणाम पुढील काही दशके जाणवण्याची भीती आहे. या युद्धामुळे इराण मोठ्या पर्यावरणीय आणि आरोग्य संकटात सापडण्याची शक्यता आहे. मार्च 2026 मध्ये तेहरान आणि करज परिसरातील तेल डेपो, रिफायनरी आणि इंधन साठवण केंद्रांवर झालेल्या हल्ल्यांनंतर ब्लॅक रेन म्हणजेच काळा आणि विषारी पाऊस पडल्याच्या घटना समोर आल्या होत्या. याचा परिणाम अनेक दशकांपर्यंत जाणवू शकतो अशी शक्यता वैज्ञानिकांनी वर्तवली आहे.
तेहरानमधील शहरान, अकदासिया, करज आणि तेहरान रिफायनरीसारख्या महत्त्वाच्या तेल ठिकाणांवर हल्ल्यानंतर लाखो लिटर कच्चे तेल जळाले. अपूर्ण ज्वलन झाल्यामुळे मोठ्या प्रमाणात काळा धूर (सूक्ष्म कण), कार्बन आणि तेलाचे सूक्ष्म कण वातावरणात पसरले. कमी दाबाच्या हवामानात हे कण ढगांमधील पाण्याच्या थेंबांमध्ये मिसळले आणि पाऊस पडताना काळे, चिकट आणि आम्लयुक्त थेंब जमिनीवर पडले. यालाच ब्लॅक रेन असे म्हटले जाते.
जागतिक आरोग्य तज्ज्ञांनी याला अत्यंत विषारी आणि आम्लयुक्त पाऊस म्हणून वर्णन केले असून विशेषतः लहान मुले, वृद्ध आणि गर्भवती महिलांसाठी धोकादायक असल्याचे सांगितले आहे.
तेहरानमध्ये प्रदूषण धोकादायक पातळीवर पोहोचले आहे. PM2.5 ची पातळी सामान्य मर्यादेपेक्षा अनेक पट जास्त नोंदवली गेली आहे. लोकांमध्ये खालील लक्षणे वाढताना दिसत आहेत.
या परिस्थितीची तुलना 1991 च्या गल्फ वॉरशी केली जात आहे, जेव्हा कुवैतमध्ये 600 हून अधिक तेल विहिरींना आग लागली होती. त्यावेळी तापमान 10°C पर्यंत कमी झाले होते. हजारो टन प्रदूषक दररोज हवेत पसरत होते. काळ श्वसनविकार आणि कॅन्सरचे प्रमाण वाढले होते. मात्र इराणमधील परिस्थिती अधिक गंभीर आहे कारण प्रदूषण थेट दाट लोकसंख्या असलेल्या तेहरानमध्ये पसरत आहे.
