Cyient आपल्याच शेअर्सची करणार खरेदी; गुंतवणुकदारांना २०% पर्यंत नफा शक्य, तिमाही निकालांत नफ्यात घसरण
ET Marathi April 24, 2026 10:45 AM
इंजिनिअरिंग आणि टेक्नॉलॉजी क्षेत्रातील दिग्गज कंपनी सायएंट सध्या चर्चेत आहे. कंपनीने नुकतेच आपले चौथ्या तिमाहीचे (Q4) आर्थिक निकाल जाहीर केले असून, त्यामध्ये एकीकडे नफ्यात मोठी घसरण पाहायला मिळाली आहे, तर दुसरीकडे कंपनीने ७२० कोटी रुपयांच्या 'शेअर बायबॅक'ची घोषणा करून गुंतवणूकदारांचे लक्ष वेधून घेतले आहे.
सायएंटचे मार्च तिमाही निकाल?मार्च तिमाहीत सायएंटचा निव्वळ नफा ५४.८ कोटी रुपयांवर आला आहे, जो मागील वर्षी १७० कोटी रुपये होता. नफ्यातील ही घट प्रामुख्याने एका रद्द झालेल्या अधिग्रहणाशी (Acquisition) संबंधित ७१.२ कोटी रुपयांच्या 'वन-टाइम' खर्चामुळे झाली आहे. मात्र, नफा कमी झाला असला तरी कंपनीच्या महसुलाने (Revenue) बाजाराचे अंदाज फेटाळून लावत १,९५४ कोटी रुपयांची भरघोस कमाई केली आहे.
गुंतवणूकदारांसाठी खास काय?नफ्यातील घसरणीनंतरही कंपनीने आपल्या शेअरहोल्डर्सना खुश करण्यासाठी बायबॅकचा मार्ग निवडला आहे. कंपनी १,१२५ रुपये प्रति शेअर या किमतीने ६४ लाख शेअर्स पुन्हा खरेदी करणार आहे. ही किंमत तब्बल २०% प्रीमियमवर आहे. २०१९ नंतर पहिल्यांदाच कंपनीने अशा प्रकारे भांडवल परत घेण्याची घोषणा केली असून अद्याप रेकॉर्ड तारीख जाहीर केलेली नाही. सध्या सायएंटच्या शेअरची किंमत ९३५ रुपये असून बाजार भांडवल १०४०० कोटी इतके आहे.
शेअर्सची बाजारातील कामगिरी जर तुम्ही सायएंटचे शेअरहोल्डर असाल, तर ही घोषणा तुमच्यासाठी महत्त्वाची आहे. २०% प्रीमियमवर बायबॅक म्हणजे तुम्ही तुमचे शेअर्स सध्याच्या बाजारभावापेक्षा जास्त किमतीला कंपनीला विकू शकता. नफ्यातील घट ही तात्पुरती (वन-टाइम चार्जमुळे) असली तरी, महसुलातील वाढ कंपनीच्या भविष्यातील मजबूत कामगिरीचे संकेत देते. मात्र, लाभांश (Dividend) न देण्याचा कंपनीचा निर्णय अल्पकालीन गुंतवणूकदारांसाठी विचार करायला लावणारा असू शकतो.
सायएंट ग्रुपच्या व्यवस्थापकीय संचालकांचे मतसायएंट ग्रुपचे कार्यकारी उपाध्यक्ष (Executive VC) आणि व्यवस्थापकीय संचालक (MD) कृष्णा बोधनापू म्हणाले की, 'आर्थिक वर्ष २०२६ मध्ये सायएंट ग्रुपने आपली वाढीची गती (Growth Momentum) कायम राखली आहे. प्रत्येक तिमाहीत (QoQ) आम्ही करत असून, प्रमुख क्षेत्रांमध्ये आमची कामगिरी अपेक्षेप्रमाणे राहिली आहे. कंपनीकडे असलेला भक्कम रोख प्रवाह (Cash Flow) आणि मजबूत आर्थिक स्थिती आम्हाला व्यवसायात अधिक गुंतवणूक करण्याचा तसेच भागधारकांना (Shareholders) योग्य परतावा देण्याचा आत्मविश्वास देते.'
कंपनीबाबत माहिती
