वाहतुकीच्या बदलत्या गरजा ओळखून रेनॉल्टने ‘फ्युचर-रेडी’ वाहन निर्मितीवर भर दिला आहे. 2027 पर्यंत लाँच होणाऱ्या या SUV चे सर्वात मोठे तांत्रिक यश म्हणजे तिची फ्लेक्सिबिलिटी. एकाच प्लॅटफॉर्मवर पेट्रोल, हायब्रिड, ईव्ही आणि सीएनजी अशा चारही पर्यायांचे यशस्वी एकत्रीकरण करून रेनॉल्टने ऑटोमोबाईल क्षेत्रातील भविष्यातील प्रवासाची दिशा स्पष्ट केली आहे.

रेनॉल्टने तिसऱ्या पिढीच्या रेनो डस्टरच्या लाँचिंगसह भारतात आपले मोठे पुनरागमन सुरू केले आहे. कंपनीने आपल्या आगामी योजनांबद्दल माहिती दिली आहे की ती एकूण सात नवीन मॉडेल्स आणि दोन नवीन प्लॅटफॉर्म आणणार आहे. या प्लॅटफॉर्मवर पेट्रोल, हायब्रिड, सीएनजी आणि इलेक्ट्रिक सारखे वेगवेगळे पॉवरट्रेन पर्याय मिळतील.

रेनो ब्रिजर या सात नवीन मॉडेल्सपैकी एक असेल, जे कंपनी आपल्या FutuREady धोरणाचा एक भाग म्हणून वर्ष 2027 पर्यंत लाँच करेल. मार्च 2026 मध्ये याचे कॉन्सेप्ट मॉडेल दाखवण्यात आले होते, ज्याने या नवीन एसयूव्हीची झलक दिली होती.

स्टायलिश सब-4 मीटर एसयूव्ही

ही एक मजबूत आणि स्टायलिश सब-4 मीटर एसयूव्ही असेल, जी रेनॉल्ट किगर आणि डस्टर दरम्यान ठेवली जाऊ शकते. म्हणजेच, आकार आणि वैशिष्ट्यांच्या बाबतीत ती दोघांमधील एक दुवा बनेल. रेनो ब्रिजर देखील डस्टरप्रमाणेच RGMP (Renault Global Modular Platform) वर तयार केली जाईल. यात नवीन E&E (इलेक्ट्रिकल आणि इलेक्ट्रॉनिक्स) सिस्टम मिळेल, जी रेनो आणि गुगलने संयुक्तपणे विकसित केली आहे.

‘हे’ नवीन प्लॅटफॉर्म बरेच अपग्रेड

कंपनीच्या म्हणण्यानुसार, हा नवीन प्लॅटफॉर्म बर् यापैकी प्रगत आहे आणि त्यात पेट्रोल (आयसीई), हायब्रिड, इलेक्ट्रिक आणि सीएनजी सारखे विविध इंजिन पर्याय दिले जाऊ शकतात. विशेष म्हणजे इतके पर्याय असूनही वाहनाच्या आतील जागा आणि डिझाइनवर कोणताही परिणाम होणार नाही. या फीचर्सचा विचार करता, ब्रिजरला पेट्रोल, हायब्रिड, इलेक्ट्रिक आणि सीएनजी इंजिन पर्यायांसह ऑफर केले जाण्याची अपेक्षा आहे. ऑटोमेकरचा असा दावा आहे की ही आगामी शक्तिशाली सबकॉम्पॅक्ट एसयूव्ही त्याच्या श्रेणीमध्ये सर्वोत्तम कार्यक्षमता प्रदान करेल.

रेनो ब्रिजर संकल्पनेची रचना

रेनो ब्रिजर कॉन्सेप्टचे डिझाइन भारतात उपस्थित असलेल्या कोणत्याही रेनॉल्ट मॉडेलपेक्षा पूर्णपणे वेगळे आहे. यात एक सरळ आणि बॉक्सी लूक आहे, तसेच एक आक्रमक दिसणारा फ्रंट फॅसिया आहे ज्यामध्ये एक मोठी ब्लॅक ग्रिल, मध्यभागी प्रकाशित ‘रेनॉल्ट’ बॅजिंगसह एलईडी दिवे, रुंद एअर डॅम आणि एक मस्क्युलर स्किड प्लेट आहे.

400 लिटरची बूट स्पेस

साइड प्रोफाइलमध्ये 18-इंच स्क्वेअर-स्पोक अलॉय व्हील्स, स्क्वेअर फेंडर आणि व्हील आर्च आणि सी-पिलर-माउंटेड रिअर डोअर हँडल आहेत. मागील बाजूला, ब्रिजरला स्लीक डिझाइन एलईडी टेल लॅम्प्स, बम्परमध्ये इंटिग्रेटेड स्किड प्लेट्स आणि टेलगेटवर बसविलेले स्पेअर व्हील मिळतात. रेनॉल्टने पुष्टी केली आहे की ब्रिजर 200 मिमीचा उत्कृष्ट ग्राउंड क्लीयरन्स आणि 400 लिटरची बूट स्पेस प्रदान करेल. कॉम्पॅक्ट आकार असूनही, या सबकॉम्पॅक्ट एसयूव्हीमध्ये अपवादात्मक केबिन स्पेस असल्याचा दावा केला जातो.