Marathi Entertainment News : बॉलिवूडमध्ये अनेक टॅलेंटेड कलाकार होऊन गेले आहेत. त्यातीलच एक म्हणजे ज्येष्ठ अभिनेते दिनेश हिंगु . करण अर्जुन, हेरा फेरी सारख्या सिनेमांमध्ये काम करणाऱ्या दिनेश यांचा एक व्हिडीओ सोशल मीडियावर व्हायरल होतोय. प्रेक्षकांना खळखळून हसवणारे हे कलाकार सध्या आर्थिक अडचणींचा सामना करत आहे.

दिनेश हिंगु सध्याचे वय 86 वर्षं आहे. त्यांनी अनेक वर्षं बॉलिवूडमध्ये, गुजराती आणि राजस्थानी सिनेमात काम केलं आहे. याशिवाय आजही ते कामासाठी इंडस्ट्रीमध्ये सक्रिय आहेत.

सोशल मीडियावर शेअर केलेल्या व्हिडिओमध्ये त्यांच्या आर्थिक संघर्षाविषयी सांगितलं. ते म्हणाले की,"माझं वय 86 वर्षं आहे. मी अजूनही कधीकधी कामासाठी बाहेर जातो. काही दिवसांपूर्वी मी पडलो. त्यामुळे मला दुखापत झाली. आता जखम बरी झालीये पण डॉक्टरांकडे जाण्यासाठी मला पैशांची गरज आहे. "