मॅट्रिमोनियल (Matrimonial) वेबसाइटवरुन स्वतःचं लग्न पक्कं करणं महिलेला महागात पडलं आहे. लग्नानंतर सासरी महिलेला मिळालेली वागणूक आणि तिला आलेला अनुभव फार भयानक आहे… लग्नानंतर सासरच्या जाचाला कंटाळलेल्या महिलेने नवरा, दीर आणि सासूवर गंभीर आरोप केले आहेत. रोजच्या त्रासाला कंटाळून अखेर महिलेने पोलिसांची मदत घेण्याचा निर्णय घेतला… समोर आलेल्या माहितीनुसार सासरी महिलेने शरीरिक आणि मानसिक छळ सहन केला…

पीडित महिलेचा आधी घटस्फोट झालेला होता. तिला एक 12 वर्षांचा मुलगा देखील आहे. मिळालेल्या माहितीनुसार, महिलेची ओळख गौरव द्विवेदी नावाच्या व्यक्तीसोबत मॅट्रिमोनियल (Matrimonial) वेबसाइटवर झालेली. गौरव एका संपन्न कुटुंबातील आहे… असं महिलेला सांगण्यात आलं… अखेर दोन्ही कुटुंबियांच्या सहमतीने 26 मे 2025 मध्ये तहसील कार्यलयात दोघांचं कोर्ट मॅरिज झालं…

दाखल केलेल्या तक्रारीनुसार, लग्नाच्या काही दिवसांनंतर नवरी गौरव, दीर सौरभ आणि सासू सुधा महिलेला हुंड्यासाठी छळू लागले. नातेवाईकांचं असं म्हणणं होतं की, जर गौरव याचं दुसरीकडे लग्न झालं असतं, मोठ्या प्रमाणात हुंडा मिळाला असता. आरोप असे आहेत की, सासरी महिलेला फक्त मारहाण करण्यात आली नाही तर, पहिल्या लग्नातून मिळालेलं स्त्रीधन देखील हिसकावून घेण्यात आलं.

पीडित महिलेने नवऱ्यावर तर, गंभीर आरोप केले आहेत. पीडितेने दिलेल्या माहितीनुसार, गौरव कायम दारु पिऊन घरी यायचा आणि पत्नीसोबत अनैसर्गिक संबंध ठेवायचा. पत्नीने विरोध केल्यानंतर तो मोबाईलमध्ये अश्लील व्हिडीओ तयार करायचा आणि इंटरनेटवर अपलोड करण्याची धमकी द्यायचा… नवरा महिलेला पूर्ण रात्र घराबाहेर देखील ठेवायचा. पीडित महिलेने स्वतःचं घर वाचवण्यासाठी खूप काही सहन केलं. पण जेव्हा सासरच्या मंडळींनी सर्व मर्यादा ओलांडल्या, तेव्हा महिलेने पोलिसांपर्यंत धाव घेतली…

सिटीच्या एसीपी प्रियाश्री पाल यांनी दिलेल्या माहितीनुसार, पीडितेच्या तक्रारीच्या आधारे, पोलिसांनी ग्रेटर नोएडा येथील टेक झोन, टॉवर नं. 1 मध्ये राहणारे आरोपी पती गौरव द्विवेदी, दीर सौरभ द्विवेदी आणि सासू सुधा यांच्या विरोधात एफआयआर दाखल करून तपास सुरू केला आहे. तपासानंतर कायदेशीर कारवाई केली जाईल. पीडितेकडे तिच्या पतीने दिलेल्या धमक्यांची एक ऑडिओ क्लिप देखील आहे.