Gayatri Datar Wedding: 'तुला पाहते रे (Tula Pahate Re)' या मालिकेतून घराघरात पोहोचलेली प्रसिद्ध मराठी अभिनेत्री गायत्री दातार (Gayatri Datar) हिने आयुष्यातील नवीन पर्वाला सुरुवात केली आहे. तिचं थाटामाटात लग्न सोहळा (Gayatri Datar Wedding) पार पडला. श्रीकांत चौरे याच्यासोबत अभिनेत्रीने साता जन्माच्या गाठी बांधल्या. गेल्या काही दिवसांपासून अभिनेत्री लग्नाच्या धामधूममध्ये व्यस्त होती. तसेच श्रीकांतच्याही घरी लगीनघाई सुरू होती. तिच्या लग्नाची सोशल मीडियात बरीच चर्चा रंगली होती. लग्नापूर्वीच्या विधींचे फोटो व्हायरल झाले होते. दरम्यान, आता तिच्या लग्नाचा व्हिडीओ सोशल मीडियात व्हायरल होत आहे. अभिनेत्रीवर सध्या शुभेच्छांचा वर्षाव होत आहे.
नुकतंच राजश्री मराठीने एक पोस्ट शेअर केली आहे. या व्हिडीओत गायत्री दातार आणि श्रीकांत दिसत आहे. दोघांनीही एकमेकांना वरमाळा घातली. गायत्रीने लाल रंगाची साडी नेसली आहे. तर, श्रीकांतने ऑफ व्हाईट, क्रिम कलरची शेरवानी घातली आहे. दोघेही सुरेख दिसत आहेत.
View this post on Instagram
काही महिन्यांपूर्वी तिने आपल्या जीवनसाथीची घोषणा केली होती. यानंतर गायत्रीच्या आयुष्यातील राजकुमार कोण? असा प्रश्न तिचे चाहते आणि नेटकऱ्यांना पडला होता. तिच्या प्री- वेडिंगच्या फोटोवर चाहत्यांनी शुभेच्छांचा वर्षाव केला होता. काही दिवसांपासून तिच्या लग्नाची तयारी सुरु होती. आता तिच्या लग्नाचा व्हिडीओ समोर आल्यानंतर तिच्यावर शुभेच्छांचा वर्षाव होत आहे.
2025 मध्ये प्री- वेडिंगचे फोटो शेअर करुन अभिनेत्रीने जीवनसाथीबद्दल जाहीर केलं. गायत्री आणि श्रीकांत या दोघांची भेट डेटिंग अॅपवर झाली होती. दोघांमध्ये सुरुवातीला मैत्री झाली. सर्वात आधी तिनं आपलं नाव फक्त गायत्री आहे, असं सांगितलं. नंतर श्रीकांतला गायत्री अभिनेत्री असल्याची माहिती मिळाली. मैत्रीचं रुपांतर हळूहळू प्रेमात झालं. दोघांनीही लग्न करण्याचा निर्णय घेतला आणि आज त्यांचं लग्न झालं. मिळालेल्या माहितीनुसार, गायत्रीच्या नवऱ्यानं आयआयटी बॉम्बेमधून शिक्षण पूर्ण केलं आहे.
