Tanla Platforms शेअर्सची 18 टक्के उसळी, तिमाही निकालानंतर तेजी, लाभांशाची केली घोषणा
ET Marathi April 27, 2026 05:45 PM
मुंबई : तानला प्लॅटफॉर्म्स लिमिटेडच्या शेअर्सने २७ एप्रिल रोजी जबरदस्त उसळी घेतली आहे. शेअर्स ८८ रुपयांनी म्हणजेच १८.२० टक्क्यांनी वाढून ५७४.२० रुपयांवर पोहोचला. कंपनीने जानेवारी-मार्च २०२६ तिमाहीचे निकाल जाहीर केल्यानंतर शेअर्सची मोठ्या प्रमाणात खरेदी होत आहे. तिमाहीत कंपनीने चांगला नफा नोंदवला. तसेच तिमाही निकालांसह कंपनीने आपल्या भागधारकांसाठी लाभांशही जाहीर केला आहे. यामुळे शेअर्स तेजीत असल्याचे दिसते.
तिमाहीतील नफा
त कंपनीचा निव्वळ एकत्रित नफा मागील वर्षीच्या तुलनेत १४.५% नी वाढून १३४.३२ कोटी रुपये झाला. मागील वर्षी याच तिमाहीत नफा ११७.३३ कोटी रुपये होता. कंपनीचा एकत्रित महसूल ११७७.५४ कोटी रुपये होता. हा आकडा मार्च २०२५ च्या तिमाहीतील १०२४.३६ कोटींच्या महसुलापेक्षा १५% नी जास्त आहे. मार्च २०२६ च्या तिमाहीतील खर्च १०१९.२४ कोटी रुपये आहे, जो मागील वर्षीच्या याच तिमाहीत ८८९.३९ कोटी होता. आर्थिक वर्ष २०२६ दरम्यान कंपनीचा एकत्रित महसूल ४,४१७.७० कोटी आणि निव्वळ नफा ५०९.१४ कोटी रुपये राहिला आहे.
अंतरिम लाभांश रेकॉर्ड तारीख
तानला प्लॅटफॉर्म्स आर्थिक वर्ष २०२५-२६ साठी प्रति शेअर ६ रुपयांचा दुसरा जाहीर केला आहे. लाभांशाची रेकॉर्ड तारीख ३० एप्रिल आहे. या तारखेला कंपनीचे शेअर्स असणाऱ्या गुंतवणूकदारांनाच लाभांश मिळेल. कंपनीने यापूर्वी प्रति शेअर ६ रुपये अंतरिम लाभांश दिला होता.
एका महिन्यात ३५% परतावा
तानला प्लॅटफॉर्म्सचे बाजार भांडवल ७,१०० कोटींपर्यंत वाढले आहे. हा बीएसई ५०० निर्देशांकाचा भाग आहे. मार्च २०२६ च्या अखेरीस प्रवर्तकांकडे कंपनीतील ४६.१७ टक्के हिस्सा होता. एका महिन्यात शेअर्सने ३५ टक्के नफा दिला आहे. शेअर्सचा ५२ आठवड्यांचा उच्चांक ७६५.७५ रुपये आणि नीचांक ३७२ रुपये आहे.
