उन्हाळा सुरू झाला की घराघरात एअर कंडिशनर (AC) रात्रंदिवस चालू असतात. कडक उन्हापासून एसीमुळे दिलासा मिळत असला तरी महिन्याच्या शेवटी येणारे अव्वाच्या सव्वा विजेचे बिल सर्वसामान्यांचे बजेट कोलमडवून टाकते. मात्र, तुमच्या एसीच्या रिमोटमध्येच एक अशी जादू दडलेली आहे, जी तुमचा खिसा हलका होण्यापासून वाचवू शकते.

तज्ज्ञांच्या मते, इको मोडचा वापर केल्यास विजेचा वापर लक्षणीयरीत्या कमी होतो, ज्यामुळे बिलात २० ते ३० टक्के मोठी घट होऊ शकते. हा मोड चालू असताना एसी हवा थंड करण्यासाठी थोडा जास्त वेळ घेऊ शकतो, परंतु एकदा खोली थंड झाली की तो किमान वीज वापरून तापमान स्थिर ठेवतो. कमी वीज वापरल्यामुळे कार्बन फूटप्रिंट कमी होण्यासही मदत होते.


साध्या पडद्यांऐवजी जाड पडदे वापरल्यास बाहेरची उष्णता आत येत नाही. पहाटेच्या वेळी वातावरण थंड असते, अशा वेळी एसी आपोआप बंद होण्यासाठी Timer सुविधेचा वापर करा. उन्हाळ्याच्या या दिवसात केवळ रिमोटवरील एका बटणाचा विचारपूर्वक वापर करून तुम्ही कडाक्याच्या उन्हातही थंडावा घेऊ शकता आणि बिलाचे टेन्शनही दूर करू शकता.