சமூக வலைதளங்களில் அவ்வப்போது வினோதமான மற்றும் திகைப்பூட்டும் வீடியோக்கள் வெளியாகி வைரலாவது வழக்கம். அந்த வகையில் ஒரு வீடியோ இணையவாசிகளை ஆச்சரியத்தில் ஆழ்த்தியுள்ளது. இதில் ஒரு நபர் சிங்கத்தைப் போன்ற உடையில் போலி சிங்கம் வேடமிட்டு, நிஜமான சிங்கத்தின் முன் தைரியமாகச் செல்கிறார்.

மேலும் சற்றும் எதிர்பாராத விதமாக, அந்த நபர் நிஜ சிங்கத்தின் முகத்தில் சில அறை கொடுப்பதைக் கண்டு பார்ப்பவர்கள் அதிர்ச்சியடைந்துள்ளனர். பொதுவாகச் சிங்கத்தைக் கண்டாலே மனிதர்கள் அஞ்சி ஓடும் நிலையில், இந்த நபரின் துணிச்சலான செயல் பெரும் விவாதத்தை ஏற்படுத்தியுள்ளது.