आयपीएल 2026 स्पर्धेतील 46व्या सामन्यात गुजरात टायटन्सने पंजाब किंग्सला गडी राखून मात दिली. या सामन्यात नाणेफेकीचा कौल हा गुजरात टायटन्सच्या बाजूने लागला आणि प्रथम गोलंदाजी स्वीकारली. हा निर्णय योग्यच ठरला. कारण पंजाब किंग्सला 20 षटकात 163 धावांवर रोखलं आणि विजयासाठी 164 धावांचं आव्हान मिळालं. हे आव्हान शेवटच्या षटकात गुजरात टायटन्सने पूर्ण केलं.  गुजरात टायटनस्ने 19.5 षटकात 6 गडी गमवून विजयी धावा गाठल्या. या विजयासह गुजरात टायटन्सच्या खात्यात 12 गुण झाले आहेत. त्यामुळे प्लेऑफची शर्यत आणखी तीव्र होणार असल्याचं दिसत आहे.

आयपीएल स्पर्धेत पंजाब किंग्सने विजयासाठी दिलेल्या 164 धावांचा पाठलाग करताना गुजरात टायटन्सची सुरूवात निराशाजनक झाली. शुबमन गिल 4 चेंडूत 5 धावा करून बाद झाला. त्यामुळे पावरप्लेमध्ये गुजरातचा संघ बॅकफूटवर गेला. गुजरातने पावरप्लेच्या सहा षटकात 1 गडी गमवून 58 धावा केल्या. जोस बटलरच्या रुपाने दुसरा धक्का बसला. 22 चेंडूत 26 धावांची खेळी करून बाद झाला. त्यानंतर आलेल्या निशांत सिंधूकडून अपेक्षा होत्या. मात्र त्याचा डावही 15 धावांवर आटोपला. साई सुदर्शन 41 चेंडूत 5 चौकार आणि 1 षटकार मारून 57 धावांवर बाद झाला. त्यामुळे संघावर शेवटच्या क्षणी दडपण आलं. राहुल तेवतियाही फक्त 2 धावा करून बाद झाला. त्यानंतर 8 चेंडूत 12 धावांची गरज असताना जेसन होल्डर बाद झाला. त्यामुळे संघावरील दडपण वाढलं.  2 चेंडूत 3 धावांची गरज असताना वॉशिंंग्टन सुंदरने षटकार मारला.

पंजाब किंग्सच्या वाटेला प्रथम फलंदाजी आली. पण सुरूवात काही चांगली झाली नाही. पहिल्याच षटकात दोन धक्के बसले. प्रियांश आर्य 2 धावा करून बाद झाला. त्यानंतर आलेला कूपर कोन्नोली खातंही खोलू शकला नाही. प्रभसिमरन सिंग 15 धावांवर तंबूत परतला. तर नेहल वढेरा गोल्लडन डकवर बाद झाला. त्यामुळे पंजाबचा संघ पुरता बॅकफूटवर गेला. पावरप्लेमध्ये 35 धावांवर 4 गडी गमाववले होते. त्यानंतर षटकात श्रेयस अय्यरची विकेट गेली. 19 धावा करून बाद झाला. त्यामुळे पंजाबचा संघ अडचणीत आला होता. पण सूर्यांश शेडगे आणि मार्कस स्टोयनिस यांनी डाव सावरला. दोघांनी सहाव्या विकेटसाठी 79 धावांची भागीदारी केली. सूर्यांश 29 चेंडूत 57 धावा करून बाद झाल. त्यानंतर मार्कस स्टोयनिस 40 करून तंबूत परतला. झेव्हियर बार्टलेटला आला तसा तंबूत पाठवला. त्याला खातही खोलता आलं नाही.